اعليك اطيح الروح ............... احمد رفيش

[القلب الاسير]

مــن ابجـــي دمــع لجلــــك احــس تقصيــر
دمعتــــــي اطيح توكَــع ســيدي واتــــروح
أريـــد الدمعــــة خنجـــر تطعـــن الــــدلال
والــــــدلال لجلك يبقــــى بـــس جــــروح
صح مجروح كلبــي ويصرخ اه يحســيــن
بس اعليك بــــــاقـي بكل وكــت مذبـــوح
أريـــد فــراش عمري الحضرتـك مــولاي
تِـلـم بيـــهْ الســنيــن ويبقــى الــك مطروح
وأريـــد المــاي يعطش من دمعتــي اعليك
حتـــى يفيض حــزنه ويبقـــى بيــك ينـوح
وأريد انزف جروحي وبلكي اموت اعليك
وما اطيح دمعـتي اعليـك اطيــح الــروح

الاقل
احمد رفيش

[ابو ياسر الكعبي]

المبدع احمد رفيش
مرحبا بعودتك بعد غياب
عدت ليعود الابداع
موفق بحق الحسين

[القلب الاسير]

التوفيق لنا ولكم يارب ان شاء الله
جزيل شكري وفائق مناي
لمرورك القيم استاذي الفاضل
تقبل تحياتي ومناي
الاقل
احمد رفيش