زينب نبعة حيدره ( في مولد العقيله عليها السلام )

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

زينب نبعة حيدره ( في مولد العقيله عليها السلام )
ــــــــــــــــــــــــــــــــــــــــــــــــــ ـــــــــــــــــــــــ

بت أمير المؤمنين === آيـــة الذكر المبين
ــــــــــــــــــــــــــــــــــــــــــــــــ
فرحت الدنيه إو بزغ نور اﻠﮔمر == صاحت الأطيار من فوﮒ الشجر
ياهله إو ميّة هله إبّنت الأغــــــر == فرحت الزهره إو فرح سيد البشر
بالوليده إخت الحُسين === بت أمير المؤمنين
ــــــ
فرحوا ياشيعة علي هنوا الرسول == بالوليـــــــــده الطيبّه هنوا البتول
والأبو هنوه طلبوه القبــــــــــول == يقبل الفرحه علي طيب الأصول
بالعقيله أم الحنيــــن === بت أمير المؤمنين
ــــــ
بت علي الكرار نبعة حيدره == بالمعالـــــــــي والمكارم عامره
من علي بيها العلم يمشي إو جره == زينب الحـــــــــرّه العقيله إمخدّره
جدها مولانا الأميـن === بت أمير المؤمنين
ـــــــ
الله إنطاها الأسم بت فاطمه == عالمه إو من حيدره متعلمَه
صوت يصدح يوصل الحد السمــــــه == والمايصلي إعلى النبي إيصيبه العمه
صوت ينطق باليقين === بت أمير المؤمنين
ــــــ
هزت الأركان زينب بالخطــــاب == ماﮔدر واحد يرد إلها الجواب
صوت إمها الناطق إيذل الرقاب == منها أخذت هالفصاحه الماتهاب
صوت هز الظالمين === بت أمير المؤمنين
ــــــ
صارت الحـــــوراء منبـــــر للكلام == غاضت الأعداء بت أشرف إمام
رسمت الأهداف للوالي الهُمــــــــــام == كشفت الزيف إو وضح غدر الظلام
كشفت الباغي اللعين === بت أمير المؤمنين
ــــــــــــــــــــــــــــــــــــــــــــــــــ ــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldmuj17837.mp3.htm (http://www.facebook.com/l.php?u=http%3A%2F%2Fwww.wlidk.net%2Fdldmuj17837.m p3.htm&h=QAQHUmqxH&s=1)




(http://www.facebook.com/photo.php?fbid=559485004073190&set=p.559485004073190&type=1&relevant_count=1)