الله أكبر على كل من طغى وتجبر

[*أحمد الكعبي*]

الله أكبر على كل من طغى وتجبر
وأذل العزيز وأفقر الله اكبر على من قرر ودبر.
السلام على شهداء العراق


حته النجمه طاحت عالرصيفات
وگعت من كثر ماشالت أصور
حقكم ملتهين أويه الشعارات
أواحدكم أبابه يحط معسكر.
ماتن بالقهر حته الحمامات
وبيت أعشوشهن طاح وتطشر
يالمهدي أشتعلنه أويلقيامات
متى ياسيدي أعله الكون تضهر..
حداد الموت يعلن عالفراشات
تملطخ بالدمه جورينه الأحمر
ماتسوه بعد ننطيهه هيهات !
گبلنه أحسين أخذهه وأنطه منحر..
شغلتكم بطت يهل السياسات
تره حاتم طغى وكلش تكبر؟
يحاتم نقسم برب السماوات
نهد أعروشكم بلله وأكبر...
أنته الصرحت هاي القرارات
وخليت العزيز بذله يفقر
طغيانك وصل حد السماوات
الله أكبر على كلمن تجبر...
خل أعيونك أتشوف الجراحات
باچر بيك تلگه بگدهن أكثر
مو طائفه ولا شغلة تفاهات
يالشايل ذنب كلمن تفجر.
من يامله أنته وياديانات
ياچف الجبن عالفقره تگدر
يفتر بالعكس عداد الأموات
أشما ينفجر بينه أنخضر أكثر.
ويه الموت خضناهه البطولات
من عصر آل اميه لهسه يفتر
لذلك من تطب مگبرة الأموات
ياگبر التكشفه أيصِيح حيدر ...
أحمد الكعبي.

[ياعراق1]

ويه الموت خضناهه البطولات
من عصر آل اميه لهسه يفتر
لذلك من تطب مگبرة الأموات
ياگبر التكشفه أيصِيح حيدر ...

ولا حول ولا قوة الا بالله العلي العظيم
والعار لكل السياسين الذين رخصوا الدماء الشيعيه
احسنت اخي المبدع احمد الكعبي
عظم الله اجوورنا واجوركم
والرحمة للشهداء والشفاء للجرحى

[*أحمد الكعبي*]

عظم الله أجورنا وأجوركم ياعراق
طالما حديث الروح وأنصات القلب باقيان متعانقين
فلا البعد يحيل بينهم, ولا الفراق لهُ يد على أقلاع هذا الحديث.
شكراً لمروركم