تستنكر انتة اليوم ... دارميات للمسؤلين عن الفتنة والقتل والفساد

[مصحح المسار]

بعد التفجيرات التي أصابت جموع العراقيين في الوطن
وجندلتهم بين قتيل وجريح عاد ذوي المعالي الجـــوفاء
والفساد والصفقات المشبوهة ليستنـــــــكروا،ومن على
قنوات الفتنة والفسوق والتحزب الاعمى...
وهذه الدارميات رسالة لهؤلاء الضائعين في ماقيل فيه
(( الملك عقيم ))...
" تستنكر انتة اليوم ..."
تستنكر انتة اليوم وقفــَـــك كــــتلني
لمن تصيح الثـــار بارضي وتسبني
تستنكر انتة اليوم اتصـــرح تسرني
وانتة الفساد البــــيك طگ وحرگني
تستنكرانــــتة اليــــوم لامـــاتهــمني
انتة ابســــلاح الغـــير انــتة اكْتلتني
تستنكر انتة اليـــوم حزبك ظلـــمني
كرسي اوتسلط ليش لدمي الحـگتني
تستـــــنكر انتة اليوم جيــشك سلبني
عزي وصفات الـــبال تفتي اذبحتني
تستنكر انتة اليــــوم يلحرضــــــتني
وبفـــكرك المشــــبوه شيعي علسني
تســــتنكر انــــتة اليـــوم يلـــفرقتني
وبوحـــــدة الاطمــــاع تنـشد تغــني
تستنـكر انتة اليـــوم اودورك تـَجني
ياعاصـــمة التــــوقيع منك وصـلني
تستنكر انتة اليوم ابليسك حضــرني
لمـــن تهادي الذيب لحــــمي بتــأني
تستنكر انـــتة اليـــوم اگـــدر لو اني
اصـــدر قرار اعــدام بيــكم واحـني

[عبدالله خلف العتابي]

السلام عليكم
مصحح المسار
قمه في الابداع وشعور رائع للعراق الجريح
وشهدائه وفقك الله وحماك من كل سوء
تلميذك المبتدا
عبدالله العتابي

[مصحح المسار]

أحسنتم أيها الأخ المتواضع عبدالله العتابي
ولكم الشكر الجزيل على مشاعر الإطراء و
الثناء ...