يكول الساعدي!!العملاق حسين الساعدي

[منذر الساعدي]

جَم تافه ابتافه عنده مليار!!

http://www.imshiaa.com/vb/images/icons/waz9.gif

يكول الساعدي والزمن دَوار
يراويك الصَحيحه والقَبيحه

إخذ مني نَصيحه ابهاي الاشعار
نصيحه وتستَفاد إبهل النصيحه

إذا صارت غَدر لتصير غَدار
وَلو كلمة وَفي صارت شَحيحه!

وأبد لَتبيع سِرك ويه الاسرار
وِالَودَعك سِره لا تبيحه

ولا تخذل دخيل اتعنه مشوار
ذَب روحه عَلى بابَك جَريحه!

تراه البيت بخته ابعتبت الدار
وإذا جاك البخت بالك تزيحه!

وإذا بأيام ما جِهبوك خطار
تِعاين عِتبِتَك ما مستريحه!!

عَزيز النفس تبقى اشلون ماصار
تاج الراس وَأفعالك مُريحه

وإذا دنياك صارت كلهه دولار!
أنته اتباهه بالغيره الصَحيحه

جَم تافه ابتافه عنده مليار!
ساركهن ويضحَك للفِضيحه!

الشاعر حسين الساعدي
منقوول

[عبدالله خلف العتابي]

صدقت يامنذر الساعدي بنقلك الرائع
واقول وين الذي تلكاه حافظته امه
تحجيله سرك ذاك والسر يضمه
موفق حبيبي الساعدي
تلميذك المبتدا
عبدالله العتابي