اربع اجروح

[عدنان منعم]

اربع اجروح بدليلج.بالطفوف انهدم حيلج
انتي حيرتي الدهر .وابنج الحيد الكمر

كاصد للبقيع وروحــــي مجروحه
ياام الحوائج واعجــــــب اطروحه
صح ساكت لجن دمعاتي مفظوحه
ودمع عيني ابد لامابــــــطل نوحه
بسمج يهون الامر.وابنج الحيد الكمر.اربع اجروح بدليلج

ياام البنين وبيــــــــــش ابدي وياج
وانه بعالم الذر والكــــــــلب ولاج
ياجرح العمر طول العمر اهواج
وانه بشدتي واثق انه و انخـــــاج
اليومج اتلف هالنظر.وابنج الحيد الكمر.اربع اجروح بدليلج

قد متي اربعه لحســين يوم الطف
يل دمعج لبو الســــــجاد لاماجف
هذا حسين خايب يادليلي اعرف
يادمع النواظرمن دمــــــــه انزف
اكظي لك عمري سهر.وابنج الحيد الكمر.اربع اجروح بد ليلي



ياام البنين ويل فديتــــــي حسين
وكتبتي اسمج على بيبان السنين
يانبع الوفه والاثر جفــــــــــــين
وبعد عندج دليل السهم بالــــعين
يلي لاويتي القدر.وابنج الحيد الكمر.اربع اجروح بدليلج

وصفتج جبل والجبل هم ينقاس
يابيرغ عراضه ومنبع النوماس
ياتربة صلاه وبكل وكت تنباس
لجن اروع لقب ام الكمر عباس
دمعه بعيون السهر.وابنج الحيد الكمر.اربع اجروح بدليلج

اركع يم ترابج واطلب امرادي
ياام البنين بلـــــــــــوعة افادي
وضيمج يالحبيبه ماظن سادي
ويوم الواقعه بســـمج تره انادي
نندب بيوم الحشر.وابنج الحيد الكمر.اربع اجروح بدليلج

خادم الحسين.عدنان منعم

[عبدالله خلف العتابي]

صدقت وربي ياعدنان منعم حطم قلب ام البنين
فقد الاربعه ولكن فقد الحسين(ع)كان اصعب عندها
من فقد اولادها فيا لها من وفية صادقه لاتستطيع
ابياتنا الشعريه ايفاء حقها ولكن الله يتقبل اليسير
لك تحياتي يامبدع
تلميذك المبتدا
عبدالله العتابي

[سفينة البحار]

موفق وماجور
جعلها الله في ميزان اعمالك
وعظم الله لنا ولكم الاجر
تحيــــــــــــــــــــــــــــــاتي

[*أحمد الكعبي*]

جعلها الله بميزان حسناتك أخ عدنان وفقك الله تعالى