اكو ومضه

[البدري14]

اكو ومضه
--------
اكو ومضة قصيدة وصور بيها اشكال
واكو مية قصيده ما تجي ومضه
الشعر مثل الحياة هم فقر واحوال
وكل شاعر يحاول هوه وحظه
اكو يوقع صكوكه من رصيده اجبال
واكو جلمات خرسه ويابهن قوه
اكو لسانه ينفعه ومهنته دلال
واكو غالب خجل والمستحه يمنعه
اكو يجيب الصور ويصيغها بامثال
واكو يبوق السوالف بوقه من ربعه
ترى مهره الشعر هم يعرف الخيال
اذا شاف الغشيم لجامه يقطعه
اذا شاف الغشيم لجامه يقطعه
محب الحسين14
4-5-2013

[عبدالله خلف العتابي]

البدري 14
مبدع ولك خالص احترامي وانت
من ابداع الى اخر موفق تحياتي
تلميذك المبتدا
عبدالله العتابي

[البدري14]

شكرا لك يا طيب
ابو نجم
مرورك اسعدني

[*أحمد الكعبي*]

البدري 14 سلمت يداك وأتمنى لكَ كل التوفيق ,
تقبل مروري ومداخلتي


اليكتب بالقصايد كون خيـال
يگض چبد السمه ويجيب نصه
و اليلزم رسنهه أيغربل أظياع
كحيل أمن الزغر عرگتلي گصه
أهد أعنانهه أبنص زحمة الغيم
وأخليهه الشمس بالگاع تنصه
لأن سارج قوافي أبظهر الخيول
أحب ألقي القصيده أبلا منصه
أحمد الكعبي.

[البدري14]

البدري 14 سلمت يداك وأتمنى لكَ كل التوفيق ,
تقبل مروري ومداخلتي


اليكتب بالقصايد كون خيـال
يگض چبد السمه ويجيب نصه
و اليلزم رسنهه أيغربل أظياع
كحيل أمن الزغر عرگتلي گصه
أهد أعنانهه أبنص زحمة الغيم
وأخليهه الشمس بالگاع تنصه
لأن سارج قوافي أبظهر الخيول
أحب ألقي القصيده أبلا منصه
أحمد الكعبي.

حقي من اسولف هيج موضوع
وادور ع العوالي موش نصه
يجيني مثل شخصك يفتهم بيه
يعرف شرايد وشنهي القصه
ترى حجي الزلم يختلف نوبات
وترى عصات موسى موش عصه
حيه تنقلب تاكل المأفوك
تكله للنبي الباري بهاي وصه
انه طالب وكف يم حضرة استاد
وتعلمني بجلمتك الف حصه
------
احمد الكعبي
تقبل تقديري لمرورك العطر