قصيدة (رد يزيد) بحق مولاتي زينب ع

[ابو ظاهر البركي !]

اذا فد يوم جاسك ضيم وعييت
دك باب الصبر والصبر يطلعلك
واخذ من صبر زينب ذره ياريت
وانخاهه عله همك هي تفزعلك
********
ولكن اسروها اردود بالشام
ممنوع اليصلها هناك مولاي
يبو فاضل هضيمه باخت عباس
رد ليها الشمر ومجمع هواي
جنود العنده كلها يهود ظلام
امرها من المدينه تكطع الماي
رد من السقيفه يحكم الجور
صدر امر يهدم كعبتك هاي
كاتب لافته بكعبة الاحزان
غرامه علليمرها الراح والجاي
لازم ينذبح ويسلم الراس
كلمن فكر يزور العقيله
انهض سيدي ومولازم الماي
مصائب اختك ابدا مو قليله
وصلو يم رقيه سيدي شلون
اخت عباس ياهم التشيله
رد يزيد لابس ثوب لهنا
مثل ماجان بس لحيه طويله
وهابي مسمي اسمه فخخ البيت
نفسه يزيد مو واحد بديله
شلون تعوف اختك واليناديك
كبل ماينطق اسمك تنتخيله
كفيل انت كفيل بزينبك دوم
زينب لسه بيتامك كفيله
انهض ودي جفك ولو بس يوم
يكص جفوف اعداك الرذيله
عذرا سيدي بس خدنه وياك
تره بلياك ماعدنه وسيله
قائم ال طاه طول هواي
هموم البينه فد مره ثجيله
عذرا سيدي من كلب مقهور
ياهو اليطلعلنه ونشتكيله
نحلفك تطلعلنه تهدم اللات
لو ينهض القائم أندعيله
*****
خادم اهل البيت ع
ابو ظاهر البركي

[البدري14]

لا لا ابو ظاهر تفجر الحجر
ما نتحمل هيج حجي
الله اكبر والعزة لله لبيك يا حسين

[سفينة البحار]

عجل الله ظهور مولانا صاحب الزمان
وحمى الله المراقد المقدسة في الشام وفي جميع اطراف المعمورة
واثابك الله بكل حرف ايها المبدع الكبير جنة
وادام الله هذا النفس الولائي الغيور
لك مني كل التقدير والاحترام
تحيـــــــــــــــــــــــــــــــــاتي

[سفينة البحار]

عجل الله ظهور مولانا صاحب الزمان
وحمى الله المراقد المقدسة في الشام وفي جميع اطراف المعمورة
واثابك الله بكل حرف ايها المبدع الكبير جنة
وادام الله هذا النفس الولائي الغيور
لك مني كل التقدير والاحترام
تحيـــــــــــــــــــــــــــــــــاتي

[ابو ظاهر البركي !]

لا لا ابو ظاهر تفجر الحجر
ما نتحمل هيج حجي
الله اكبر والعزة لله لبيك يا حسين

استاذي الجليل ابو تركي
نعم اخي الفاضل ولدت خذه القصيده وقلبي ينزف على محاصرة مولاتي العقيله

وقرأتها في مناسبة ولادتها الطاهره في الامامين العسكريين عليهم السلام
رزقنا الله واياكم زيارتها وشفاعتها

ابو ظاهر البركي

[ابو ظاهر البركي !]

عجل الله ظهور مولانا صاحب الزمان
وحمى الله المراقد المقدسة في الشام وفي جميع اطراف المعمورة
واثابك الله بكل حرف ايها المبدع الكبير جنة
وادام الله هذا النفس الولائي الغيور
لك مني كل التقدير والاحترام
تحيـــــــــــــــــــــــــــــــــاتي

استاذ احمد
شكرا كبيرة سيدي على جميل حضورك
وشكرا لدعائكم الطهر ايها الطهر

ادامكم الله سيدي للابداع منبر



مودتي
البركي

[عبدالله خلف العتابي]

السلام عليكم
الاخ والشاعر القدير
ابو ظاهر البركي
قصيده في قمة الروعه والابداع
تهد الجبال وتزلزل الجبال وتهد
القلوب وفقك الله وحماك واصل
ابداعك لخدمة اهل البيت(ع)لاني
سمعت منك تريد الامتناع عن الكتابه
وهذه خساره لنا لوحصلت لانك مبدع
موفق بحق زينب(ع)
تلميذك المبتدا
عبدالله العتابي

[ابو مرتضى البراك]

اللهم صل على محمد وآل محمد وعجل فرجهم الشريف قصيده تهز المشاعر وفقكم الله ورعاكم ننتظر منك المزيد يابطل