ياشيعي لاتهل الدمع؟الى سيدتي ومولاتي الحوراء زينب ع اقول

[ابو معاد النجفي]

يا شيعي لاتهل الدمع..واصبر على هذا الوضع
لزينب اكو اليحميهه.. ينظر يعاين ليهه
ادريك هايم منفجع
ادريك كلبك بيه جمر..خلصته بالنوح العمر
من شفت زينب تنأسر..والحادي صارله الشمر
ربك تره يباريهه..وينظر يباوع بيهه
والحكم لله والشرع
ربك امر هذا ايصير..شيحتاج شرح وتفسير
والزمن يرجع ويدير..يحتاج حكمه وتفكير
حكم اليصير عليهه..اهل الفتن توليهه
وشكبره ايصير الصدع
تنولي زينب مرتين..وتهل دموعي البلعين
ونادي نصرخ يحسين..ونصيح عباسك وين
منهو اللذي يحديهه..هل القافله وراعيهه
ولايمهه اهله ولا ربع
زينب وحيده بالشام..وبين ذيج الظلام
هدو عليه الاقزام..الماعدهم ابدا اسلام
كصده يجي يسبيهه..وبسوطه ايبجيهه
ويذوب اعيون الشمع
اعيون تربي لحضرتج..وارواح كثره الوالتج
واصوت باسمج نادتج..ياحره احنه بشيمتج
ارواح الهه افديهه..وشحده يوصل ليهه
وتحيطه الشيعه درع
ياهو اليصل للطاهره..ارواح الهه مصطره
عليه دارت دايره..وللموت وكفت حاضره
والموت حاير بيهه..هاي الزلم تاليهه
مابدلو همه الطبع

خادم اهل البيت
ابو علي السعيدي

[عبدالله خلف العتابي]

زينب الجود كافلها_- رفعتها ابخت مولاي
بقلمي
واحسنت وبارك الله فيك
صغيرك
العتابي

[ابو معاد النجفي]

الاخ الفاضل
عبد الله خلف العتابي المحترم
مروكم الكريم والاطراء الجميل
وفقكم الله لكل خير
تحيات
اخوكم
ابو علي السعيدي