يلا نمشي للجسر..نكلهم احنه للكفر؟الى سيدي ومولاي الامام الكاظم ع اقول

[ابو معاد النجفي]

يلا نمشي للجسر..نوكف أبوجه الكفر


السممو جبد الامام.. ماتهمنه احنه السهام


دمنه لازم ينتصر





يلا نمشي بكل حزن..والدموع احسن وسيله


نواسي بالدمع الزجيه..واللطم ماكو بديله


لو تشوف انت الموالي..تشوف شنهو وبدليله


الحزن غطى عل روحه..وتبقى مهمومه وعليله


ياعظم ذاك المصاب..نعزي اصحاب الكتاب


ننتظر منهم أجر



لو مشيت العين تهمل..والكلب منك حزين


تواسي ابو اليمه بمصابه..وتلطم اتنوح باانين


اذكر انت الصار بيهم..أتذكر الكاظم سجين


مات بسجون الظلاله..ذوله نسل الظالمين


ماروعو الله ونبيه..ذوله ساس الجاهليه


ذوله نسل للشمر



شما يطول الزمن بينه..شما تدور الدنيه بيه


ابدا ماننسه مصابك..اي وحق رب البريه


نذكر السم الجرعته..وشربك كاس المنيه


واجب علينه نزورك..وننصب الكم هالعزيه


موشح ابثوب السواد.. الكم انصبنه الحداد


الكم انضحي العمر



ياجسر موسى جعفر..ادري تشكيلي الهظم


نفس ذيج الناس جانت..والظلم نفس الظلم


زلم مروان ويزيد..العادتك نفس الزلم


تغيرت عدهه مناصب..والاسم نسل الاسم


نسل مروان ويزيد..خادم اصبح للعبيد


ونفس شيمتهم غدر



غدرو الشيعيه ابمصابك..من اجتك تمشي عليك


الف واحد طاح بيهم..والبقه يزحف يجيك


المهم يوصل لكبرك..كلبه ملهوف ويبيك


تخفف اهمومه الثكيله..جاي كاصد معتنيك


يدخل الكبه ويصيح..فدوه الكم من اطيح


منك ادرسنه الصبر




خادم اهل البيت


ابو علي السعيدي

[عبدالله خلف العتابي]

السلام علي (http://www.imshiaa.com/vb)كم
احسن (http://www.imshiaa.com/vb)ت وجزاك الله (http://www.imshiaa.com/vb) خيرا
وطيب الله (http://www.imshiaa.com/vb) انفاسك الزكيه
صغيرك
عبدالله (http://www.imshiaa.com/vb) العتابي

[ابو معاد النجفي]

الاخ الفاضل
عبد الله خلف العتابي المحترم
مروكم الكريم والاطراء الجميل
وفقكم الله لكل خير
تحيات
اخوكم
ابو علي السعيدي