سـمعتك من صحتلي آه يا زينب

[اياد الفرح]

سـمعتك من صحتلي آه يا زينب
مسحي دموع عينج ابد لاتنحب
زينب من حضرها
صبر مل أبصبرها
تلـوذ من السياط الخـدر متسلب
.......
تـلـوذ بيا كتــر زينب بعـد عينـك
يعبـاس الكطعهــن يـاهـو جفينك
أويلي بيـا عـمـود انطــر جبينـك
يخويه انه انكطع ما بيني وبينك
يعــذبــني بغيـابك ترضه أتعـذب
......
المن يـا كـفيـلي ياهـو اشكيـله
من بعدك سبوني ما بقت حيله
يعـذبـني النهـار أتـمرر أبـليـله
يهـدمني الزمان وحيلي يبنيله
والضيم العلي منعندي يتعجب
......
علي جمع مصايب كوم دهـري
وشيحمل عذاب فراكك وتدري
أتنفس هواك وياي من زغري
لورايد تشوف وتختبر صبري
تحملت السياط العلمتن تـلعب
.......
أعـاتـب مـن اجيتك انه عاتبـتك
اعـذرني كفـيلي ساعة ألشفتـك
بلا عيـنك يخويه انـه عــاينتـك
وكون الموت لافيني على جثت
اجيتـك للـشـريعة يمـك أتـكـرب
........
غريبة انه وحيدة وحايرة بأيتام
شحجيلك يخويه عن سبي الشام
هـذوله شلـون هـم أسمو إسـلام
وجروحي بعد مـا اضن ابد تلتام
ونـار افـراكم عبـاس بس تلهب
.......
الشاعر
إياد الفرح

[جعفر المندلاوي]

السلام على فخر المخدرات زينب
وسلمت يمينك اخي اياد
وفي ميزان اعمالك يا رب
تحيتي

[عبدالله خلف العتابي]

السلام على فخر المخدرات
زينب(ع)
رائع ما سطر قلمك يامبدع بل تعدى حدود الروعه
وماادري شكلك يااياد الفرح شالت الجلمات ولم يبقى
منها سوى عطر حروفك يامبدع تحياتي لك
تلميذك المبتدا
عبدالله العتابي