أنه الكاظم عاذركم بس زينب لا تنسوهه! الشاعر حسين الساعدي

[منذر الساعدي]

من قبل لتزوروني روحوا العَمتي إوزوروهه
حسين الساعدي
http://www.dogomr.info/vb/images/icons/waz9.gif

أنه الكاظم عاذركم--بس زينب لا تنسوهه
من قَبل لَتزوروني--روحوا العمتي إوزوروهه
رِجعوا عليها الظلام
ومهدده بأرض الشام
ما تبقه اهناه كالوهه--روحوا العمتي اوزوروهه

-----------

عوفوني ابيوم استشهادي
وين الساده اوين أحفادي
زينب عمتي اليوم اتنادي
لا يسبوهه اويحدي الحادي
عاد الشمر وابن ازياد--والسوط الوياهم عاد
رَجعوا طَف الألام
ومهدده بأرض الشام
ما تبقه اهناه كالوهه--روحوا العمتي اوزوروهه


----------


وين الكالوا ضد اعداكم
وين الكالوا احنه اوياكم
زينب مسبيه وتنخاكم
وراية عباس ابيمناكم
وياكم جف العباس--عنهه اتبعدون الأرجاس
وين أهل الغيره الاسلام
ومهدده بأرض الشام
ما تبقه اهناه كالوهه--روحوا العمتي اوزوروهه


-----------


وينه اليجازي فاطمه
ابزينب ابهاي الموزمه
بت علي حماي الحمه
بيكم صفت متحشمه
وإشلون زينب تنولي--وترضوهه ياشيعة علي
جارت عليها الأيام
ومهدده بأرض الشام
ما تبقه اهناه كالوهه--روحوا العمتي اوزوروهه


---------

كلكم عابس كلكم جون
شيعه وما يوم اتقصرون
والنعم دوم اتكفوون
وبصوله اترجون الكون
يأهل الشيم والمرجله--عادت مصايب كَربله
لا الاكبر ضل لا جسام
ومهدده بأرض الشام
ما تبقه اهناه كالوهه--روحوا العمتي اوزوروهه

http://www.dogomr.info/vb/images/icons/waz20.gif
الشاعر حسين الساعدي
راق لي

[*أحمد الكعبي*]

وفقكم الله أخ منذر وجعلها بميزان اعمالكم من الدرر