منذر الساعدي
06-06-2013, 08:25 AM
يا جوعان هذا ابحاجة البوس!!!
حسين الساعدي
تَرى بَس الرَخيص اتغره الفلوس
لأن مهزوز أصلاً من أساسه!
لوما جان بين الذله مَديوس!
أبد ماصار هيجي اوباع ناسه
فَهيم إوبالفراسه ايفوت وِيحوس
إوللمحتاج عَطلهه الفَراسه!
مِتعلم سياسة غَلس إودوس
من نَعله عَله هيجي سياسه!
وِيلاكي اليِتيم إبحاله مَئيوس
يتراءه كِدام الناس باسه!
تِكَفه إبوسته وبكلشي مَدروس
بَخيل وصار سيد بِاِلغَلاسه!!
يا جوعان هذا ابحاجة البوس!
دَنطيه خبزه خل يلفظ أنفاسه
نذكر ماضي اهلنه ونرفع الروس
بس بأيامنه عدنه إنتكاسه!
تَعَلمنه الحياة أمثال وِدروس
بس كلنه فشلنه ابهل دَراسه
فَقير اينام وبعين الله مَحروس
بَس الفايخ إيكثر حِراسه
وإذا جان الفُكر من زغره مَنحوس
إذنً وين الكَرم من هالنحاسه!!
شايفلك بَشر بالخير مَتروس
وِيعوف ابن اخوه لازم الطاسه!
حتى الطير ما هَد طير مَهلوس
يبقه ايتاني جنحه الحَد قياسه
الشاعر حسين الساعدي
راق لي
حسين الساعدي
تَرى بَس الرَخيص اتغره الفلوس
لأن مهزوز أصلاً من أساسه!
لوما جان بين الذله مَديوس!
أبد ماصار هيجي اوباع ناسه
فَهيم إوبالفراسه ايفوت وِيحوس
إوللمحتاج عَطلهه الفَراسه!
مِتعلم سياسة غَلس إودوس
من نَعله عَله هيجي سياسه!
وِيلاكي اليِتيم إبحاله مَئيوس
يتراءه كِدام الناس باسه!
تِكَفه إبوسته وبكلشي مَدروس
بَخيل وصار سيد بِاِلغَلاسه!!
يا جوعان هذا ابحاجة البوس!
دَنطيه خبزه خل يلفظ أنفاسه
نذكر ماضي اهلنه ونرفع الروس
بس بأيامنه عدنه إنتكاسه!
تَعَلمنه الحياة أمثال وِدروس
بس كلنه فشلنه ابهل دَراسه
فَقير اينام وبعين الله مَحروس
بَس الفايخ إيكثر حِراسه
وإذا جان الفُكر من زغره مَنحوس
إذنً وين الكَرم من هالنحاسه!!
شايفلك بَشر بالخير مَتروس
وِيعوف ابن اخوه لازم الطاسه!
حتى الطير ما هَد طير مَهلوس
يبقه ايتاني جنحه الحَد قياسه
الشاعر حسين الساعدي
راق لي