سلسلة إبوذيات حسينيه مولديه

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

سلسلة إبوذيات حُسينيــّه مولديــّه
ــــــــــــــــــــــــــــــــــــــــــــــــــ ـــــــــــــــ
نبعه إحسين من حيدر علينه == نظــل نهــواه وإبحبــّه علينه
خيمه إبن النبي إتفيــّي علينه == يحضرنــه الولي يوم المنيـــّه
ـــ
يحضرنه السبط ذكراه طيبــــــه == فرحانه إو تهنــّي الكون طيبه
الله ما أحلـــــــى العــُطـــــر طيبه == عـُطر مولد إبن حامي الحميــّه
ــــ
عــُطر إحسين بالمولد وَرَدْنــــَه == لبو الحسنيين نهديله وَرِدْنـــَه
نهنــّي فاطمه الزهره وَرِدْنـــــــَه == نهنــّي المصطفه خير البريـــّه
ــــ
نهنـــّي المصطفه الفيــّاض بـَسـْماه == لأن جبريــل نازل جاي بــِســْماه
إبنه إحسين ريت إوياه بــِسـْماه == ولادة خير موسومـــه إو بهيـــّه
ــــ
ولادة خيــــــــــر والخلاّق مَنْ بيـــــه == تعال إو شوف گلبي إيعيش مَنْ بيه
تلاگــي إحسيــــــــن والدلاّل مَنْ بيه == عشگ لبن الوصي حامي الحميـــّه
ــــ
عشگ لحسين گلبي دوم مالــــــك == إذا مــَتـْحـِب أبو السجاد مالك
شفاعه حتــّى لو أطنان مالــك == تظل خسران ماعندك هويـــّه
ـــــ
تظل خسران ما توصل صلاتك == إذا بحسين مــَتــْقـَوّي صــِلاتك
على أحمد وهل بيته صلاتك == تغيــض المجرمين الناصبيـــّه
ـــــ
تغيض المجرمين إبحبـّك إحسين == نـــــون إو حاء والياء والسين
هاذي إحروف إسمه يناسيـــن == مبروكه تظل تضوي البريــّه
ــــــــــــــــــــــــــــــــــــــــــــــــــ ــــــــــــــــ
مع تحيات شاعر اهل البيت / جابر النجفي
إسمعوا الأبوذيات على هذا الرابط
http://www.wlidk.net/dldcgx50331.mp3.html

[عبدالله خلف العتابي]

السلام عليكم
المبدع جابر النجفي
الله الله الله
ماشاء الله
بارك الله فيك وفي قلمك المبدع
الذي يقطر شهدا شجيا يهز
اعماق القلوب العاشقه
لمحمد وال محمد(ص)
جزاك الله خيرا وحفظك ذخرا لنا
تلميذك المبتدا
عبدالله العتابي