بعدد دكات كلبي..رسمتك طيف حبي؟الى سيدي ومولاي الامام علي ع بمناسبة الولادة الشعبانيه

[ابو معاد النجفي]

بعدد دكات كلبي..رسمتك طيف حبي
ياابو الحسن وحسين..انت الضوه بالعين
انت نور دربي

بعدد رملات التراب..حبيتك يابو تراب
وصرت بلسم حياتي..وسكنت بكل الاطناب
علامه بزغر سني..كتبت اسمك عل الباب
وقريت اروع مسير..بنهج علمك بالكتاب

عمود البيت والدين..هلال بكل دواوين
يالنزلك ربي

قدر انت بحياتي..وياك الحد مماتي
رسمتك لوحت افراح..وسفينه حبي وبيه نجاتي
علامه تضوي اسنين..تضوي بكل جهاتي
امل نرجيك بالضيج..امل زاهي بحياتي

امل كل هاي الاسنين..بيك احنه المجانين
يازادي ويشربي

عشت وياك مجنون..وبحبك همت بيك
تزيل الهم بالكلوب..بكل شده اعتنيك
واقبل عتبة الباب..وارفع ايدي ادعيك
ياابو الحاجه العظيمه..طلبتي ابين اديك

طلبتي حاجتي الحين..تسر الكلب والعين
الك مولاي نحبي

تعرف الك محتاج..مثلي الاجه زاير
يشوف تشع الانوار..من ذيج المناير
ندري اليدخل عليك.. ابد مايبقه حاير
عل باب الهدايه..يظل يبقه يناطر

ندري ينول الاثنين..طلبته من ابو الحسنين
يعرف شنهو طلبي

شفت من نورك اهلال..ضوه بدار الاحباب
علم باب المدينه..ونعرفه قالع الباب
درس نهج البلاغه..علم حيدر ابو تراب
انت دنيتي اليوم..وانته ريحي الهاب

يااجمل رياحين..جمعنه بهاي الاسنين
احبك هذا ذنبي

خادم اهل البيت
ابو علي السعيدي