في رحاب دعاء العهد

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

في رحاب دعاء العهد
ــــــــــــــــــــــــــــــــــــــــــــــ
بلــّغ سلامي الولي ياربـــّي يامعبود
وإبكـُل صبح بيعته گلبي يردها إردود
وأيــّامي كـُلها أظل أنتظره آني إيعود
عن بيعته ما أزِل عشگـــي البهاءه إيزود
إجعلني ربــّي العلي أنصـُر إمامي إبزود
وأدفع ظلام الرجس عن الأبي الموعود
وأگضي الحوايج إلـــَه وإبهيبته مشدود
طايع أظل كــُل أمر من سيدي المشهود
وأستشهد إبصولته أمحي العدو المنكود
والموت لو حل إجــَه رايد يربــّي العود
يوم التهل غــُرّتـــَه إحييني يامحمود
إخرجني من الگبر خلـــّيني أفدي الجود
خلــّيني أشوف الأمل وأغسل همومي السود
والعين من غــُرّته يجري الكحلها العود
عجــّل إلهي الفرج باب العدل مسدود
ســَهــّل خروج الولي نوره اليشع مريود
كــُل الفساد إنتشر والشر ظلامه إيسود
والناصبي إبكــُل كتر شرّه إبحقد موجود
بسم الديانه القتل والجور ما محدود
والنار تسري غدت نار العدو النمرود
والحق نريده يجي وإيريح كل مكبود
وإيزيل باطل ربض كل النفوس إتهود
دولة عدل دولته لاحاسد إو محسود
لاناصبي إو لا جلف واليعتدي مردود
كلها تنادي علي والمايحب مطرود
ــــــــــــــــــــــــــــــــــــــــــــــــــ ــــــــــــــــــــــ
مع تحيات شاعر اهل البيت / جابر النجفي
اسمعوا القصيده على هذا الرابط
http://www.wlidk.net/dldtdt99401.mp3.html