بالقصيدة (من جودك خلاص العطش ياحيد راح)(تجليبه)

[عبدالله خلف العتابي]

ابد ماتنوصف ياحيد بالصعبات *** وابد ماتنكحم والجبل فلشته
صح ناديتك دمع بس الدمع شيفيد *** وانته اية صبر والصبر عجزته
يالجفك دوه وخله الشمر خايف *** وبجيت الزلم والشمر ضيعته
جود الجفيل معروفه عند الناس *** شما سمعت ضامي مالت جربته
ومن شافك ركضلك ياجفيل وصاح *** والراد الماي بالخيم شربته
ومن شافك صاحلك ياجفيل وطاب *** وعليل حسين بالخيم طيبته
يااول شهم لوه اخشوم العفنين *** ويا اول رفض للماي من شفته
ويا اجمل اسم سماك حيدر بيه *** ويا اجمل بدر بالكون شرفته
من جودك خلاص العطش ياحيد راح *** شهم راع الجود والماي جبته
يبن حيدر علي الما فارك السيف *** ويا حيد الطفوف ونعم ماشفته
يالحامل راية حسين فوك النجوم *** شبل حيدر علي والشمر طبرته
وحسين من جيتك ياجفيل ارتاح *** وانته ابجيتك ياكمر فرحته
ومن شافتك زينب ياعزيز الروح *** وصاحت ياكلب والكلب هيمته
وعلي لهاذه اليوم ياحيد ضمك *** وانته ياكمر بالصولات فلته
ومن صولتك للماي ظل الكلب يسعر *** وكلبي اعليك يادوب لازمته
ومن شفتك طايح ياكمر عدنان *** احس حته الكلب وياك طيحته
ومن شفتك ياجفيل الماي حسيت *** كل العمر وياك اليوم ضيعته
كلبي اعله الفرات ماظل بي كل رحم *** وهيهات ارحمك وانته عذبته
ابد ماتستاهل يافرات اكتبنك *** وابد مايستاهل لمن كتبته
ـــــــــــــــــــــــــــــــــــــ
بقلمي خادم اهل البيت (ع)
عبدالله العتابي