جذبه الكال شفـت ألزينب خـيال

[اياد الفرح]

زينب شمس
......
جذبه الكال شفـت ألزينب خـيال
يا حرمة اليرجـف زلـم طـاريهه
زينب شمس هيه شلون تنشاف
هـم شايـف شـمس وخـيال بيهه
ويا شمر الضرب زينب بالسياط
زينب بـت عـلي ويجـرء عـليهه
ولتصدك اليكلك عـثـرت بخـوف
خاف الخوف منهه ولايذ ابفيهه
يعمه الليل جانت من تجي أتزور
ويغـشه عالنهار ومـا يصد ليهه
زيـنـب بالـمـشـي مـا تـترك أثـار
والعبـاس يمحـي آثـار رجـليـهه
زينب تدري زينب زيـنب الكـرار
زينب بالحـرب زينـب تحـاميهه
شحجيلك بعد عن أخت الحسين
ومن عباس معنه الكل معانيهه
وزينب من يكلك عطشت الماي
وكـوثر أمها عـدهه بين ايديهه
بس رادت تشوف الماي بالجود
ومن أيده الغيورة تريد يرويهه
هز بيده السمه ومطرهه عباس
خاطـر زيـنب الحـوراء يسكيهه
زينب مـن اجـت كافـلهه عباس
ونـاذر عينه والجفـين ينـطيهه
غـيرة ومرجـله وفـاي حسـاس
كـل حـاجـات زينب كـال ألبـيهه
يا مخلوق يكـدر يحجي ويـاها
ويا هو زينب اليكـدر يحاجيهه
ولـو مرة نوت أصيح عـبـاس
قبـل لا تـنوي عبـاس أليجـيهه
وشيسوي الكمر لو ندبته بيوم
غير الدنية ذاك اليوم يكضيهه
........
الشاعر
إياد الفرح

[صفاء العامري]

احسنت كلام جميل

[اياد الفرح]

اللهم صلي على محمد وال محمد

[اياد الفرح]

الله (http://www.imshiaa.com/vb)م كن لوليك الحجة ابن الحسن (http://www.imshiaa.com/vb) صلواتك علي (http://www.imshiaa.com/vb)ه وعلى آبائه في هذه الساعة وفي كل ساعة وليا وحافظا وقائدا وناصرا ودليلا وعينا حتى تسكنه ارضك طوعا وتمتعه فيها طويلا برحمتك يا ارحم الراحمين