يبو حسين مولانه -- عكبك منو يرعانه

[عاشقة زينب ع]

قصيده محنة يتامى-- بقلمي

اهدي ثوابها لايتام العراق

يبو حسين مولانه -- عكبك منو اليرعانه

هالليله ايتامك تون

يالمرتضى يابالحسن

وايتامك الليله بمحن

كلها اصبحت حزنانه -- عكبك منو اليرعانه

****************
لاوالي عدنا لااهل

ايتامك احنا يالبطل

عكبك فكدناه الامل

والعيون سهرانه -- عكبك منو اليرعانه

***************

متصوب بليلة قدر

والدينك افديت العمر

والكوفه عاشت عالغدر

كله طلعت خوانه -- عكبك منو اليرعانه

*******************
ظليت من بعدك اون

يابويه ليلي من يجن

من اذكر ايامك و احن

زينب انه حيرانه-- عكبك منو اليرعانه

**************
من صغري يتمني الدهر

كضيت عمري بس قهر

والروح ذبله السهر

وهالعيون عميانه -- عكبك منو اليرعانه

غيبتك تصعب ياعلي

يالبيك كل هم ينجلي

ماغيرك العدنه ولي

ياليتمه قرآنه -- عكبك منو اليرعانه

وينك يا حامي الحمه

يالبيك فوز وغانمه

هالدنيه صارت مظلمه

يكرار عنوانه -- عكبك منو اليرعانه

**************

يبو حسين مولانه -- عكبك منو يرعانه

بقلم

عآشقة زينب عليها السلام

اسألكم الدعاء

http://www.wlidk.net/upfiles/vzb60215.jpg

[عبدالله خلف العتابي]

السلام عليكم
الشاعر الرائعه
عاشقة زينب
الله الله الله تبارك الله
روععععععععععععه
واكثر من روععععععععععععه
تقبل مررررروووويييييييييييييييييي
تلميذك المبتدا
عبدالله العتابي

[صفاء العامري]

جمييييييييييييييييييل