هذي قصتي أنا الحر

[الحر0]

بسم الله الرحمن الرحيم
اللهم صلي على محمد وال محمد الطيبين الطاهرين

السلام عليكم ورحمة الله وبركاته

اخواني أحببت أن اكتب قصتي اليوم وهي عن أحد أصقائي

في يوم من الايام أحتاج صديقي بعض من الفلوس ولم يطلب مني مباشره

وقد وجدة فيه علامة البؤس وسئلته وش فيك

على فكره ما عنده ألا أخ وأمه ابوه يعمل بالدمام وما عنده ألا سيارته

قالي انا سيارتي اشوي وبتخترب ومحتاج كم ريال قلت له بس مخباي وفلوسي

تحت أمرك .

قالي لا تسلم قلت له خذ بس انا صديقك وأنت جيتني في وقت الضيقه

قال تسلم قلت له كم محتاج قالي ما يحتاج المهم عطيته 200 ريال

وبعد كم يوم أحتاج وما قالي واهو ماهو على وجه عمل ولا دراسه وعطيته بعد 200ريال

ضلينا بعد كم يوم سيارته أختربت ويبيله ماكينه .

وانا كانت عندي سيارتين قلت له خلاص أنا أبيع سياره من سياراتي

ووضب الماكينه وضبط حالك .

بعت السياره وجابة له 700 ريال الحمدلله ادة غرض ويسرة أمره

بعد كم أسبوع وصلني خبر من احد اعز اصدقائي يقول لي

أن صاحبك ما يستاهل أنك تعطيه ولا ريال طيب ليش

قالي جاني وقالي أن الفلوس الي عطيته أياهم بيعطيك أياهم قبل الا تمنه ابهم

قلت له افا هذي النهايه أعطيه بدون ما أقول شي والنهايه يقول هذا الكلام

مع اني ما جبة له طاري الفلوس .

وانا أعطيته أياهم عن حب وتقدير لصداقه كون الصداقه مبداء قدسيه وحب وتقدير

واصبحة اكن لهذا الصديق العداوه دون ان أبين له ما بداخلي

واصبحة ملازم المنزل منذوا أسبوع من القهر الذي حل بي .

ما رأيكم يا شباب في هذا الشخص الذي عملة معه معروف وأنكره .


على فكره أحب اكتب القصص باللهجه العاميه أريح للتعبير

[دموع القمر]

ياكثر الاصدقاء و ناس من هذا النوع في هذا الزمن ويمكن في ناس اكثر من هكذا

ولكن انت جزاك عند الله وليس عنده فأنت في غنى عنه

على فكره أحب اكتب القصص باللهجه العاميه أريح للتعبير

بنسب لي اتمنى كل القصص تكون بالعامية تكون احلى وافضل


ويسلمووووووووووووووووووو

[الحر0]

مشكورة دموع القمر على المرور

والرد ولك مني تحيه

[وداع الروح]

طيب يمكن مو قصده اي شئ سئ
يعني ليه ما تقول جمله و قيلت
اعطيه اي مبرر و لا انك تزعل منه
لو منك و صديقي صديقي و اعطيه ولو احتمال واحد بالمية ان الموضوع فيه شئ
يمكن ما قال كذه حرفيا يمكن قال كذه في موقف مو مثل ما انت فاهم الموضوع
يمكن ضحك يمكن اي شئ و الله تقدر تحط الف كلام و لا انك تصدق مثل هذا الكلام
لو منك احط ليه الف عذر ولا افكر فيه كذه ولا ازعل منه ..
مش بمواقف مثل كذه ممكن اخسر صديقي او اتغير عليه
لو عندي شئ راح واجهه لو ابي و اعرف شو ردت فعله اذا فعلا هذا مضايقنك ..
تحياتي لك
وداع الروح

[الحر0]

المشكله مو كلام مزح ولا كلام صدفه

وكان الحوار مع أقرب اصدقائي بالنسبه لي أنا من طبيعتي أحط الف أحتمال

ولكن لم يكن يوجد ولا أي أحتمال يوافق على كلامه .

يعني انا متأكد أنه غلط في حقي .

والله أنا متسامح جدا

[دلوعه]

اخي الحر
هاي الزمن مايخليك تضمن في الصديق والعدو
وها المو اقف بين الاصدقاء في هاي الدنيا كثيره
واولهم انك تعطي صديق اسرارك بعدين يسوي لها نشره اعلاميه قصدي يفضحها وغيره وغيره
تحياتي
دلوعه

[عاشقة الرضا]

اخي الحر

كلمه شخصياً

لان التلفون والجوال ممكن تفهم خطأ

وحط له الف عذر كما قال الأخ وادع الروح

يعطيك العافية

[نور المستوحشين]

زمن نعيش فيه كأنا وحوش مو بني آدم

يمكن أخوي اللي وصل لك الكلام نقله غلط (يمكن قال انه راح يرجعهم وهو مستحي منك ...مثلا)وخذها نصيحة اللي تكلم عليك مايضرك يضرك اللي ينقل الكلام..

واذا على القصة فهي تصير وبكثرة بعد وانا وحدة صارت لي وصرت الممول الرسمي للأخت من باب الأخوة والصداقة وهم ناس على قد حالهم مع انها تاخذ مكافئة من الجامعة بس كانت تقول انها تعطي ابوها وان حالتهم المادية ضعيفة و و و (مع العلم انه كنا ندرس في الرياض يعني حنابحاجة المادة خوف من انه نحتاج وحنا بعيدين عن أهلنا) والأدهى (كانت بعض الآحيان تجلس ماترجع نهاية الاسبوع الى أهلها ولما اسألها تقول خلصو فلوسي وماعندي قيمة الباص كانت ذي الكلمة تهزني حرام تنحرم من اهلها عشان 30 ريال واعطيها 50 يمكن تحتاج شي في الباص)
وفي الوقت نفسه الكلام يتكرر لوحده ثانيةوتعطيها

وتمر أوقات يجيبو بنات حقنا اشياء يعرضوها للبيع ونشتريها وطبعا خلفتها ونسيتها لازم ليها في الطيب نصيب
بنك ابوها انا

ومرة عاد جاء وقت دفع السكن وانا ابوي اللي يدفع لي وكانت هي مرة مستاءة لأنه اهلها مايقدرو يوفرو المبلغ وهي ماعندها طبعا ...عرفتو النهاية



اي أكيد انا عطيتها وكان بعلم من خالتي واخوي يعني امي وابوي مايدرو سحبت مبلغ كان في حسابي وعطيتها



المهم بدأت الدراسة وجات أختنا بالله معنا وياريتني ما دفعت ولا هي رجعت لأنه كان اسوأ مستوى بالنسبة لي


المهم التفاصيل خاصة نوعا ما يعني كانت تقول علي كلام لاصار ولا استوى

حاولت تفرق بيني وبين أعز صديقة عندي من ايام المدرسة و و و وكل هذا وانا ولا ادري اشوف الدنيا مقلوبة ولا عارفة وين الله حاشرني



ومرت الأيام الين خالتي كلمتني معصبة علي تعاتبني وليش تسوي كذا وكذا قلت انتي الحين ماتعرفي من هي بنت اختك عشان تفكري مجرد التفكير تلوميني


المهم قمت انا ودقيت على المذكورة من تلفون خالتي وحطيته سبيكر و واجهتها المهم قامت تبرر و و اخذت خالتي التلفون وعطتها رزقها من الكلام ( موذنبي على نفسها جنت براقش)


رجعنا الرياض اكيد تتوقعو اني فرحانة ومستانسة


المهم البنات كانو يسألو شنو فيش و و المهم قلت لهم تتوقعو ان فلانة تسوي كذا



المهم كان كل وحدة ادلت بما في جعبتها وتوضحت الصورة للجميع وتصافينا


شفت أخوي قصتك ماتعتبر شي قدام قصتي


انا دخلتها بيتي ومارعت حرمة البيت وفوق هذا الكلام اللي نقلته


بس في النهاية الشمس مايغطيها الغربال



بس مااقول الا الله يسامحها ويهديها ولا يحطني معاها بدرب واحد مرة ثانية





تحــيــــــــــ نور المستوحشين ــــاتـــي

[Ahmad]

و أنا مع أخوي وداع الروح

يمكن صديقك عزيز نفس او شي ؟

و نصيحتي خلك وياه عادي وتضحك وخليه يدري انك دريت بالسالفة اللي صارت وبالكلام اللي قاله

بي لا تخليه يحس انك زعلان عليه

و في هالحالة بتعرف معدنه صح

واذا انتوا اصحاب ( الروح بالروح ) زي ماذكرت

فحاول بقدر المستطاع انك تصلح الوضع

لأن فقد الصديق العزيز ( يجرح وبقوة ).





*******

و قصتك أختي نور المستوحشين

فيها خيانات مو طبيعيه :(

اهم شي انك تجاوزتي هالمواقف



الله يجيب اللي فيه الخير ان شاء الله


تـــDــحـــAـــيـــMـــاتي لــHــكــAـــم

[الحر0]

مشكورين على التفاعل الطيب طيب الله أنفاسكم

والله طبعي التسامح ولست من الحقادين ولكن هذا الشخص زرع في نفسي الحقد

لأن هذه هي المره الثانيه .

على فكره عجبني الكثير مو الكثير بل المجموعه التي كتبة ردها على الموضوع وكله أفادني وأراحني .

على فكره اليوم طلعة ألعب كره ورميت الماضي وراي أنتهى .

والسلام خير ختام
ومشكورين مرة ثانيه على التفاعل