قصيدة الى من ناصبوا المرجعية العداء من أدعياء التشيع

[س البغدادي]

وجدت هذه الابيات الشعرية الشعبية لاحد الشعراء وهي مناسبة للجم كل من يريد التطاول على المرجعية في النجف ومكانتها ،،
الحق المهتضم
حاولت أن لا أنزل الى مستوى النكرات من السفلة الذين إنتظموا مع جمعية إخوان المسلمين الفكر الذي إنبثق من نجـد الشؤم و مباركة أعراب آل سـعود بقايا اليهود .
و لكن لأن الواجب الديني و الأخلاقي يوجب على كل من يعي دور المرجعية في حياته أن يّـذب عنها بما يتيسّـر له لصدّ هجمات من اُصيبوا بأخلاقهم و خلقهم ، و هذا هو إحساس ذوي العاهات الذين لفظهم المجتمع ، فكانوا نكرات .

خالفوا نهج الهدى و حاربوه لأن القاعدة تقول : خالف تعرف . ومن هوان الدنيا على الله أن ينزل الدهر المرجعية حتى يقال :
المرجعية و الأقزام من أمثال ــ ( الشاخ بندر ) .
ـــــــــــــــــــــــــــــ
خـّـله ينبح ما عله الينبــح عتـاب * هـذا ويه البعث مّــله واحــده
إنگله للمصيوب بأوهامه الجـراب * المرجعيه تبقه بالله إمسـّدده
ـــــــــــــــــــــــ
لا تغـرّك سـبحته و لحيه تـراه * حيّـه رگطه إتوصّفت حيّـة تـبن
و لا يغـرّك من تشـوفه بالصلاه * خاشع و إحذر و بيه لا تـفتــتن
اللحيه صارت موده و إتحـّـقق رجاه * بيها يوصل لليريده ولا تظن
باليعـيش الدجـل و اليعبــد هـواه * إلك مايســتمع حيــن تناشــــده
بالوصف هذا مشـه مشية غراب * تاه مشـيه و ضاع حلمه الشـيّده
ــــــــــــ 1 ــــــــــــــ
وسفه بإسم الصدر خدعوا مجتمع * للصدر يحترمه فكـره يعّـظمه
و كل وكت يصرخ و واحدهـم تبـع * للصدر يدّعي و فكـره يلازمه
ساعه يحچي بفلسفه بفهمه إنخـدع * لا هـو يفهـم ولا يريد إتفهّمــه
هـّوه داعي و مدّعي و هـّـوه الشـرع * فكره معصوم و عليك تـأيـّـده
كل حرف من منطقه هـّوه الصواب * الويل إلك لو چنت فكـره تعانـده
ـــــــــــــ 2 ــــــــــــــ
وسفه يالباقـر يبو الفكـر العظيم * التبعت أفكارك تره إسمك شـوهتـه
وسـفه يالنبعـك المن منهج قـويــم * من نهج جـّدك حسين و نهضتـه
التـدّعي أتباعك مشت منهج سـقيم * و للقميص البالحـقيقــه رفعتــه
بيه خدعـوا ناس و الواقع أليـم * و القميص أصحـابه دوم إتعـاهـده
و المصيبه إنخدعت آلاف الشـباب * لأن فكـرك كل شريف إيمجّـده
ــــــــــــ 3 ـــــــــــ
إنتـه بالواقع الحالي إتنبـأت * من گلت نســتنكـر لفعـلــة يـزيــد
و اليسّـم الكاظم إعليه أشــرّت * طاغية عصره اليسمونه الرشيد ( 1 )
تلعن أفعال الطغاة و لو صرت * بالحكم لأفعاله ممكن هم تـعيـــد
كل كلام الگلتـه و البيه وصّـفت * هـذا واقعنـه النعيشه و شـاهده
خالفوا نهجك و تصفيت الحســـاب * لليسـقط المرجعيه تســانده
ــــــــــــــــ 4 ــــــــــــــ
أرد أخاطبكم يمن عفتوا الاصول * الدين عدكم بس لفظ و المعتقــد
وأصبح السّـب عدكم يلاگي قبـول * مستحب عدكم التشهير و شهد
هـذا واقعكم و جّـندتـــوا الذيــول * إعلامكم تسـقيط ما مثله إنوجــد
للمراجع حرمه ما كو و الرسـول * لشرعه تسّـيروه و إنتو القاعـده
المرجعيه عاشت ويه وحوش غاب * بماضي و الحالي النتيجه واحده
ــــــــــــــــ 5 ــــــــــــــــ
لا تغيّــر بالمنــاهج و الأدوار * المرجعيه نشـوفهــا تدفــع ثمـن
البعث متسّـلط بحكمه و القرار * و المراجع عايشه بوسط المحن
كلنه صدام إنتهه و حكم الأشـرار*و نصرخ البعث إندحر راس الفتـن
لچن وسفه ما تغيّــر هالمســار * الماجده إتقـرّر منو بنت الهـده ؟!
و الرفاق اليـــوم مأمونه العقـاب * البعث عاود بالرساله الخالـده
ـــــــــــــــــ 6 ــــــــــــــ
و لك بندر مو عجب إنته عبـد * لليالي الماجنه و سـهر و طــرب
و الفكـر وهابي و إنته يا قــرد * إنته إخواني العقيده و مو عجــب
الأسس الإخوان أشــرار بنجـــد * و بيكم الأصلاب منه و النســب ( 2 )
بالأفكار وياه فكــركم متّحـــد * لزمرة آل سعود أصله و مورده
بالصراحه نحچي و نزيح النقاب * ويه اليهود أفكاركم متـوّحـــده
ــــــــــــــ 7 ــــــــــــــــ
بالهـويه إسلام إســلام الطغـــاة * لاچن الأفكار فكـــر الامــوي
خايف إتعـاتب أولاد الفاجــرات * بالسلاله لأن شـــيطانك غوي
شجابك تناطح أبناء الطاهرات * و الشريف النسب هذا العلوي
لترب نعل ( الصافي) و المثلك بغاة * تروح فدوه و كل نذل مثلك بده
و التطاول عله ( السيستاني) و عاب * بفكره عفلق و إرتباطه بـ ( ساجده )
ـــــــــــــ 8 ــــــــــــــ
ما أخذتوا عبره من ( عبد الســلام ) * حين هـدد مرجع الامه ( الحكيـــم )
إحترگ بالجــّو و إنتهه إبن الحرام * و ( البكر ) بعده الشيطان الرجيم
و بالبقريب المجرم و نسل اللئام * ذاك ( صدام ) النذل طاغي و زنيم
إنته و السبقوك و جهتوا السـهام * للشـريعه و چنتوا أشــد من العـده
لأن ذاك الناصبي بفكـــره مصاب * إنتــوا شـيعة زور ما بيه فائـده
تـــــــــــــــــــــ 9 ــــــــــــــــــمت
ـــــــــــــــــــــــــــــــــــــــــــــ