خالد محمد مهدي الحجار \\ قصيده بمناسبة الانتخابات الجديده لمجلس النواب

[خالد محمد مهدي]

((8))

(الى من يهمه الامر)

**------------**

ياخـــــوي البعيد وياك عنــدي عتاب **هم عنـــــــــدك ضمير وتستحــي منَّه

كمت تاكل خبزتي وأني أظل جوعان** ماكلنـــه تدَّنـــــــه حتَّــــــه تدَّنـــــــــه

اشوفك ملتهي بروحك وتنسانـــــــي ** عليمن أحســــــــــبك عالشيعه عالسنّه

شحلات الكشخه والنفخه تلوك عليك ** جـا وينـــــــــك يغاتــي أبشدَّة المحنـه

ماسب الزمــــــــان السّلطك عالناس ** أسب روحي وأصبعي البصم عالظنَّه

ملك الري كــــتـل لحسين ذاك اليوم **ماينـــــراد للتوبــــــه بعـــد فطنــــــــه

بس التوبـــه الك مفتوحــــــه كدَّامك ** عنــــــــــدك أربعــــــه أتلحّك أتسلبنه

ضيَّعت اليمن البينــــــــــــــه وبينك ** جاوينــــــــــــك أوين مدافعــــــك عنَّه

بعد رايد تبيــــــــــــع وتشتري بينه ** وبعد شتريد منَّــــــــه وبيش تطلبنــــه

أموقع الصفقـــه وبعت للشيطـــــــان** خلّصنه بلشنــه ويـــــــــــــاك متفضنه

ولان صـــارالحجــي ويــاك ماينفع ** باسك لاطعـــم لالون لامعنــــــــــــــه

ملخص ماأكـــول اليحفر بكلبــــــي ** الزم دفَّــــــــك وأركص أويـــــه الغنَّه

*******************************************


بسم الله الرحمن الرحيم
لايعلن الحبر الممات
لايعلن الصمت القلم
مادامت هناك روح وضمير حي
ولا تموت يد تُرفع الى الله توسلا
وتَُرد خائبه
الخادم أن شاء الله
(( التوقيع))
أحنه من فطنّه أعرفنه لحسين
وغّذانه الرحم من فطرة الروح
بشراييني نمت لحروف نبضات
تنبض بالورد وعطورهه تفوح
مايمنعني عنَّه وكلبـــــــي ويَّاه
من يوم الطفوف بصفَّه مذبوح
********************************