المساعد الشخصي الرقمي

مشاهدة النسخة كاملة : صارت صدك و الله [مُسآعده]

mnewiraq
17-09-2013, 08:18 PM
السلام عليكم
اللهم صل على محمد و ال محمد
بنات شباب الله يخليكوم انقذوني

اني محمد


مهندس ميكانيك









بعد كم يوم راح اروح اتعرف علة بنية طالبة بكلية الهندسة
بنيةالزواج يعني تشوفني و اشوفهة
و طبعا بالاتفاق وية بين اهلي و اهلهة
بس المشكلة
شاكول
شاحجي
اني عمري و حياتي مصاير بهيج موقف
شالبس
رسمي سبورت
بالله هسة اللبس مو مشكلة
بس شلون ابدي وياهة و علة شنو احجي وياهة باي مواضيع
احنة نكول الله يسهل الحلال
ساعدوني ترة و الله راح اموت
خادمة الكوثر
17-09-2013, 08:37 PM
السلام عليكم اخي الله يسهلك وتكون البنية من بنت الحلال اول شئ تسوية اتوكل بالله على الله واقراء ادعية تسهيل الامور

من تشوفهة ابدي بالسلام (السلام عليكم) ولا تخلي عينك بعينهة لان بصراحة احنة البنات نحترم الشااب المحترم ولا تخجل اطلب منه ان تتكلم وياهة بموضوع خاص بس خلي بالك لا يكون مكان منفرد يعني اتكلموا على جهة بس ابين الناس حتى لا احد ياخذ نضرة عليهة واول شئ قبل هذا كوله اسئل عليه بالكلية وبعدين احجي وياهة عادي افتح الموضوع وانت بكل ثقة وجرءة واكيد هي رح اتكولك تعال احجي مع اهلي وانت اتكوله ان شاء الله بس اخذ رايج اذا انتي موافقة وهيج وان شاء الله خير
اختك خادمة الكوثر..
تلميذة الحسين
17-09-2013, 08:45 PM
حقيقه الله يساعدك اخي ويسهل امرك بلحلال
mnewiraq
20-09-2013, 10:08 PM
ارجوكم ساعدوني بحق محمد و ال محمد
mnewiraq
02-10-2013, 01:55 AM
ارجوكم ساعدوني بحق محمد و ال محمد
ام هاني
02-10-2013, 02:03 AM
اولا الله يقدم كلخير،وثانيا شبيك مخبوص ومتوتر هدئ نفسك ولا تنطي الموضوع اكثر من حجمه بالنسبه للبس خلي يكون عادي حتى لا تتقيد وماتخذ راحتك وبالنسبه للبنت اكيد عدها علم بالموضوع وراح يكون نقاش تعارف وانت نيتك صادقه للزواج ع سنة الله ورسوله وصير سبع ولا تخليها تحس بالتوتر وتلزمها عليك نقطة ضعف من اول يوم اتمنى لكم الموفقيه
الدكتورة المواليه
02-10-2013, 02:14 PM
اخي مساء الخير اصلا مايحتاج احد يعلمك شنو تحجي هيه من ربك تنحل واللسانك ينطلق خليها ع الله واهل البيت واتمنالك الخير والبركه وموفق بحق محمد وال محمد
حميد م
23-10-2013, 12:39 PM
ههههههه لو ادري من البداية جان سويتلك حرز
اللهم صلي على محمد وال محمد
اسعد الله ايامكم وتقبل اعمالكم وحشركم بشفاعة علي عليه السلام بعيد الله الاكبر عيد الولاية