ياغريب الكوفه

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ياغريـــــب الكوفــــــــه
يمكن قراءة هذه القصيده بنفس طور قصيدة ( العايش إبأوهامه ) التي قرأها الحاج باسم الكربلائي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
روحي إلك ملهوفه === ياغريب الكوفـــــه
ـــــــــــــــــــــــــــــــــــــــــــ
ياسفير إحسين راح الحاربك وأذنابه
وإرتقيت إنتَ المجد يامسلم إبأبوابه
يگصد الزاير إلك لو هم علاه إو صابه
ينكشف همـّه إو يرد يخبر عليك أحبابه
مرقدك مـَيـْعوفه === ياغريب الكوفـــــه
ـــــ
ياسفير إحسين بالكوفه تشع أنوارك
تگصد الناس المضيفك تفرح إبخطـّارك
تاخذ الحاجات منـّك ياشهم زوّارك
وين إبن إزياد يگعد ينظرلها الدارك
دارك الموصوفه === ياغريب الكوفـــــه
ــــ
ياسفير إحسين ما ظل أي أثر لعداءك
وإنتَ عاشت خالده نسمع صداها لاءك
من صحت لا ما أذل للشر بگت أضواءك
مثلك إبدرب المجد ساروا عــِلـَوْا أبناءك
ما تـُمرهم خوفه === ياغريب الكوفـــــه
ـــ
ياسفير إحسين دمعات الحزن نجريها
بنتك الطيبه حميده لازم إنواسيها
ياحبيب إحسين فگدك سيدي عاميها
غدرتك كوفان تايه بالدروب البيها
بالغدر معروفه === ياغريب الكوفـــــه
ـــــ
ياسفير إحسين بس طوعه شفتها إتوالي
نصرتك يبن المعالي حظها صار العالي
وإنتَ زودك من علي الكرار ذاك الوالي
ريت يمــّك وأنــْصــُرك وأحظه إبشهاده تالي
وأحظه بــَحـْسـَن شوفه === ياغريب الكوفـــــه
ــــــ
ياسفير إحسين يا أول شهيد إو ثاير
وحدك إبنص الغدر ياسيدي إبلا ناصر
ما خفتهم قاتلتهم بالمصيبه صابر
لكن الشر بالغدر والحيله صار الداير
غايته مكشوفه === ياغريب الكوفـــــه
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.net/upload/do.php?id=4323

[عبدالله خلف العتابي]

السلام عليكم
الشاعر القدير
جابر النجفي
عيد سعيد اعاده الله عليك باليمن والبركه
والايمان وبالتمسك بعروة اهل البيت(ع)
وحروف قصيدتك اجمل من الجمال بل هي
الجمال بعينه تقبل مروري وتلعثم لساني
امام قدير مثلك تحياتي لك اين ما تكون
تلميذك المبتدا
عبدالله العتابي