خالد محمد مهدي الحجار\\قصيده (من حبيبي أوصفه))

[خالد محمد مهدي]

((كل الاديان))

****************

جمع كـــل الاديان حسين يوم الطف ** ولم كل العصور وسابق العصره

ولآخر نفس بالكـــــــــون يبقه أسمه ** وقعّنـــــــه العهد والموعد السدره

شنهوا الماكتبنه عـــــــن ابو السجاد ** بالله وينكـــــــــم عينوني عالذكره

دواوين الشعـــــــر تجمعهه لمصيبه ** وتفسّق يزيد وتلعنــــــــــه أتكفره

عثَّـــــــه عالبدن صاروا بني سفيان **وبالجســـم العفن للزايـــــر تفجره

صور احزان مرسومه بدموع العين** أعمه المايشوف النـــــور وينكره

من واقع حقيقي نعيشه يوميـــــــــه ** مو نسج الخيـــال أنصور الفكــره

نظمناهه القوافي بحب ابو السجاد ** ويافشلة الفشله المنقبـــل شعــــــره

دم حسين يوم الطف أله جفّيـــــن ** شك حلك الظــــلآم وطلّعه الفجـره

أستحه من الصبر وتقدّم بأجـــلآل** طبع بوسة وفه من وصية الزهـره

لا آنــي ولاغيري كــدر يوصف ** على كـــــــل التصوّر فاقت القدره

رفع رايه الحسين الدمه ساريهه ** بيهه أعلن جهاده ونتصر نحــــــره

عله ضلوعه تخط الخيل حقد سنينن* وخط بضلوعه مجده عزّته وفخره

أنخبطت كربله ومن صفه صافيهه** بدر وأحد والاحزاب منتصــــره

اليكول حسين ميِّت خارج من الدين ** خل يحلم يدوس بجدمه عالعِبره

وخلّـــــــي تنفعه الاوهام والشيخين ** حقَّه علينه نلقي الحجه منجبره

وبيوم الحشــــــــرالعذر منّه يضيع ** أظن عثمان ناســي أيوقّع بعذره

بالله عليك من أحيـــــــاك هم تنساه ** لو يبقه بضميرك خـــالد الذكره

حيانه حسين يوم الطف شربنه الماي ** وجبود الضعن كانـــون مستعره

ووحوش البـــــــراري تستلذ بالماي ** وعن بيت المودَّه أنمنعت الكطره

أبن النبـــــــــــــي والقران والانوار ** مثل حيدر علي من يكدر أيفسره

طلّكهه بثلآثه الدنيـــــــــــه لارجعه ** وفّاه العهد من شــــــــابك الغبره

ومكفوله الكفلهه غير كـــل الناس ** بوســه عله جبين الغيره ونشكره

عد عيناج وامرج لالـــــه تغتاضين **من يكدر يحكمـــــه لو نفذ صبره

يمشي الموت ويَّــــه السيف لبيمناه ** ماثنّــــه بضربته يعني شك كبره

ابو فاضل بعد عيني وعيون الكـل ** بعين وراس ضحّه ويمنه واليسره

ونرسمت شجاعه العقل بيهه أحتار** حتّه الصبر طاوعهه وحنه ظهره

تصول برايـــــــة العباس رفعتهه ** بخــــــدره شامخه لمخدّره الحره

كتبت بالدمع والهظم والاحـــــزان ** قصّة فخر بيها أعلنت ثـــــــوره

شنوصف منهه من عباس من حسين ** قلم يوصف مشاعرمانفذ حبره

تعال وشوف ياناصبي مجد العز ** وعن دربك أبعدهه حجارة العثره

لتصّدك العترة بحاجتَه الحُبنــــه ** أرض وسمه محتاجتهه للعتــــــره

سفينه الله أكبــــر ساري رايتهه ** تشج بحور وتوصلنـــــــه للشجره

[جعفر المندلاوي]

بارك الله فيك
وطيب الله انفاسك الولائية
تحية لك

[عدنان منعم]

بالتوفيق واسئل الله التوفيق بحق الحسين

[خالد محمد مهدي]

بسم الله الرحمن الرحيم
شكرا لهذا المرور الكريم الذي أسعدني وشرَّفني
شكرا \\ ممنون