خالد محمد مهدي
30-10-2013, 05:15 PM
((27))
أعلك الروح
**--------------**
شمعه شمعه // اعلك الروح بخيمتك
دمعه بدمعه // أعجــــــن ييُمه حنّتك
ظل الكلب حيران
يازينـــــة الشبّان
*--------------*
ألبسَك ثوب عرسك ** وزفّك بيدي هل اليوم
شِتضم بعد لايـــــام ** من دولاب لهمــــــوم
لمَّن غبت عنّــــــي ** عليَّه أتحــرم النـــــوم
الكلب مابين لضلوع ** بعد مايصحــه مالوم
فرحه فرحه // والحسن يحضر فرحتك
شوضحه شوضحه// الكمربــــدر بليلتك
ماحسَّبت حرمان**يا زينــــة الشبّان
*-------------*
أعايــــن بين الوجوه** من رحت وعفتنـي
ألف أحساب أحسّب ** وأحزاني تعتنـــــي
يكلبي شبيك كافــي ** وي روحي السبتني
وكلهم رايـــح أتعود** بسَّك يلمتنــــــــــــي
وينك وينك // ينشد يتاتـــــــي جيّتك
لنّــك لنّــك // ترجع بفرحة بُشرتك
وتخمّد النيران **يازينة الشبان
*-----------*
عينــي رسمت افراح ** تمُر بيَّه بخيالــــــي
فرحتهه الدمــــــع دم ** صبَّت الك تالــــــي
الهلهوله ألي نـــــوح ** وهم وغم صفالــــي
صواني العرس يبني ** كسر خاطرها حالي
تبجــي تبجي // بشموعها منتظرتك
تشجي تشجي // توكف عليها رادتك
ماهل فرحهه وبان **يازينــــــة الشبان
**------------**
اظل احــلم تردلــــــي ** يالنورك جفانـــــي
وأنتــــــه عايش وياي ** فرح عمر وزماني
ألــك أنصبهه لضلوع ** خيمه وبيها أتانــي
نجوم أو ورد والياس ** بيها أملي الصواني
كلبي كلبي // بالوّد يأطّر صورتك
حُبّي حُبّي // مرسـوم بَسمه بشفّتك
حقّه يظل حلمان**يازينـــــة الشبّان
**-----------**
حــــال التفكد عزيز ** دمعها يشرح الحال
دمـع الكلب والعين ** دم اعله الوجن سال
جسم أيظل بلا روح ** خابت عدها الآمـال
وليل الحــزن جودر ** عليهه بظلمته طـال
الزفّه الزفّه // سيوف المنيَّه زفّتك
كلفـه كلفـه // للموت يبني صفّتك
مبروك ألك لجنان**يازينــــــة الشبان
******************************
(التوقيع))
بسم الله الرحمن الرحيم
طوَّعت الحروف بحب أبو اليمَّه
وخط بالروح فوك الورق كلماتي
عسا يقبلنــــي ذرَّه بدرب زوّاره
ويرضه بدمعتي وونيني وآهاتي
أعلك الروح
**--------------**
شمعه شمعه // اعلك الروح بخيمتك
دمعه بدمعه // أعجــــــن ييُمه حنّتك
ظل الكلب حيران
يازينـــــة الشبّان
*--------------*
ألبسَك ثوب عرسك ** وزفّك بيدي هل اليوم
شِتضم بعد لايـــــام ** من دولاب لهمــــــوم
لمَّن غبت عنّــــــي ** عليَّه أتحــرم النـــــوم
الكلب مابين لضلوع ** بعد مايصحــه مالوم
فرحه فرحه // والحسن يحضر فرحتك
شوضحه شوضحه// الكمربــــدر بليلتك
ماحسَّبت حرمان**يا زينــــة الشبّان
*-------------*
أعايــــن بين الوجوه** من رحت وعفتنـي
ألف أحساب أحسّب ** وأحزاني تعتنـــــي
يكلبي شبيك كافــي ** وي روحي السبتني
وكلهم رايـــح أتعود** بسَّك يلمتنــــــــــــي
وينك وينك // ينشد يتاتـــــــي جيّتك
لنّــك لنّــك // ترجع بفرحة بُشرتك
وتخمّد النيران **يازينة الشبان
*-----------*
عينــي رسمت افراح ** تمُر بيَّه بخيالــــــي
فرحتهه الدمــــــع دم ** صبَّت الك تالــــــي
الهلهوله ألي نـــــوح ** وهم وغم صفالــــي
صواني العرس يبني ** كسر خاطرها حالي
تبجــي تبجي // بشموعها منتظرتك
تشجي تشجي // توكف عليها رادتك
ماهل فرحهه وبان **يازينــــــة الشبان
**------------**
اظل احــلم تردلــــــي ** يالنورك جفانـــــي
وأنتــــــه عايش وياي ** فرح عمر وزماني
ألــك أنصبهه لضلوع ** خيمه وبيها أتانــي
نجوم أو ورد والياس ** بيها أملي الصواني
كلبي كلبي // بالوّد يأطّر صورتك
حُبّي حُبّي // مرسـوم بَسمه بشفّتك
حقّه يظل حلمان**يازينـــــة الشبّان
**-----------**
حــــال التفكد عزيز ** دمعها يشرح الحال
دمـع الكلب والعين ** دم اعله الوجن سال
جسم أيظل بلا روح ** خابت عدها الآمـال
وليل الحــزن جودر ** عليهه بظلمته طـال
الزفّه الزفّه // سيوف المنيَّه زفّتك
كلفـه كلفـه // للموت يبني صفّتك
مبروك ألك لجنان**يازينــــــة الشبان
******************************
(التوقيع))
بسم الله الرحمن الرحيم
طوَّعت الحروف بحب أبو اليمَّه
وخط بالروح فوك الورق كلماتي
عسا يقبلنــــي ذرَّه بدرب زوّاره
ويرضه بدمعتي وونيني وآهاتي