أنه وياك عشت عمري أميره *** وإذا تروح أضل مثل الأسيره

[قاسم حتروش]

هذه القصيدة تقرأ بطور قصيدة (( على الأه يهاجر ماصبرتي))
التي يؤديها الحاج باسم الكربلائي

أنــه ويــاك عشت عمري أميره * وإذا أتروح أضل مثــل ألأسيره
عليله شلون بيه والمرض يلذع * وأتمنى برحيلك ساعة المصرع
أنــــه وياك عشت عمري أميره
***************
يبويه ويـــــــاك انه كضيت لحياتي
بين أهلي وأخـــــــوتي وكل خواتي
إذا عنـــــــــــي مشيت أيحل مماتي
وياهو اللي إلي ساعــــــــــة وفاتي
فــــــرد دار يجمعنــــــــــه ويلمنه * وبالجـــــــوار دار الكمر عمنه
أشوفه بكل وكت من يدخل ويطلع * وأتمنى برحيلك ساعة المصرع
أنـــــــــه وياك عشت عمري أميره
*******
دمعتي فــوك خـــــــــدي لا متنشف
إذا أنــت مشيت ورحــــــــت للطف
يبويه ويـــــــاك خذني لــون أزحف
عليله وحالتــــــــــــي وياكــم أرأف
بعدكم أضل وحــــــــــــدي غريبه * وبالأحشــــاء تضل ناري لهيبه
غصص لفراك كَلي شلون أتجرع * وأتمنى برحيلك ساعة المصرع
أنــــــه وياك عشت عمري أميره
************
إذا أنت خــــــــــــذت وياك عباس
وعلي الأكبر أخويـه رفعت الراس
وخذت وياك كــــــل أهلي ينبراس
ياهو اللي يضل يمّـــــــــي يفرّاس
العليلة أتعيــــــــش أبين أهلها * وعالفــــــــــراك تكبر كل عللها
وبفراك الأهــل للمـوت تتجرّع * وأتمنى برحيلك ساعة المصرع
أنــــــــه وياك عشت عمري أميره
*********
بـــــــرحيلك أفكــــــد لعـــــزي ودلالي
وغريبـــــــة بالوطـــــــــــن أبقه بلوالي
كلــّـــــــي شلـــــــــــون أكضيها الليالي
وأنـــت ألتعـــــــــــرف بوضعي وحالي
الليالي تمــــــــــر صعبه عليّه * إذا مشيـــــت يبو جفوف الأبيه
أضل للنايبات وكلبي ما يهجع * وأتمنى برحيلك ساعة المصرع
أنه وياك عشت عمري أميره
*****************
إذا زاد المـــــــــــــرض وزداد وني
ياهـــــــــو اللـــــــي يداريني ويلمني
أبقــــــه بحسرتـــــــي لورحتوا عني
وأضــــل خلافكــــــــــــم بس للتمني
عالدروب تضـل مشبوحه عيني * عسه يعـــــود إلي وأحد يجيني
لكعـــد عالدرب وبعيني لتطلــّع * وأتمنى برحيلك ساعة المصرع
أنه وياك عشـــــت عمري أميره
********
يبويه بالسلامــــــــــة الباري يرعاك
وأتمنـــــــه السلامـــــــة لأهلي وياك
أمان أنشا الله مــــــــــن توصل هناك
بس عنـــــدي طلب هاك الطلب هاك
بجفوفــــك يبويه أمسحلي راسي * وللوداع أريـــــــــد اليوم ناسي
لأن هذا الضعن ما ظن بعد يرجع * وأتمنى برحيلك ساعة المصرع
أنه وياك عشــــــــت عمري أميره


الشاعر
خادم الحسين (ع)
قاسم حتروش البلداوي