هاجرت روحي بغيابك

[عدنان منعم]

هاجرت روحي بغيابك *بابك يناشدني بابك
بس دمع بالعين*من نساني حسين
صدك راحل يضي عيني وبدر سعدي
يبو الاكبر وانه غيرك منوا لعنـــــــدي
يلذعني الهجر وتلوعـــــــــــت جبدي
واسلي ارويحــــــــتي يابويه بالعندي
ادعي بس ارجع اليه*بغيبتك جتني المنيه* بس دمع بالعين
ادور بالغرف واتحسس الحيــــــــطان
واتحســـــــس اثر جدمك على التربان
حيران الكلـــــب بعدك يظل حــيران
وصــفيت انه العليله ومرتع الاحزان
حزني ناده وين اخوتي*وارتجي بكل لحظه موتي* بس دمع بالعين
اعاين غرفتك يابويه ومصـــــــــلاك
ودمع عيني نزل ويصيح بويه اهواك
عفتني وانه اريدن موتتـــــــــي وياك
شلي بعمري يغالي من بعد عيـــــناك
عمري مايسوه بدونك*ياالابو وداعت عيونك* بس دمع بالعين



كعدت اباب دارك وانتــــــــــظر ترجع
بس عله ودمــــــــــع والدمع مايــــــنفع
حبل صبر بغيابك ذاب وتكـــــــــــــطع
هم اغفه اعلى صدرك بويه فدوه ارجع
بويه بويه شلون بيه*غربتي دارت عليه* بس دمع بالعين
لاعبـــــــاس ردلي ولاعلي جـــــــاني
ويحظن دمعـــــــــــتي بجفاكم ارداني
شـــسولفلك يغالي وكـــــثرت احزاني
علــــــــــــيله والمرض يابويه عنواني
المرض بعدك ولاني*ولاعلي ردوخذاني * بس دمع بالعين
علا جرف الصبر وشل دمعها العين
وكلت للخيل اسرج بويه اه ياحسين
عفتوني وتولتني رزايه البـــــــــين
وصفيتو بكربله رايه وبعد جفـــــين
بس صدى يرجع عليه*كربله دار المنيه* بس دمع بالعين
خادم الحسين *عدنان منعم

[قاسم حتروش]

المبدع
عدنان منعم
صح لسانك وطيب الله أنفاسك
وجعلها في ميزان أعمالك
تحياتي

[قاسم حتروش]

المبدع
عدنان منعم
صح لسانك وطيب الله أنفاسك
وجعلها في ميزان أعمالك
تحياتي

[عبدالله خلف العتابي]

السلام عليكم
الشاعر عدنان منعم
لاحرمنا الله من بوح قلمكم
وتميزكم جزاك الله خيرا
تلميذك المبتدا
عبدالله العتابي
اخي عدنان لاتستغرب من قلة الردود
والمعنى في قلب الشاعر