أناغيلك ** ولوليلك (( قصيدة للرضيع ع ))

[قاسم حتروش]

أنــــــــاغيلك ** ولــــــــــوليلك ** بكلـــب ولهان
سهــرت ليلي ** أنهـــــدم حيلي ** عشت بأحـزان
يبني يـــــــا بعد روحي **** ردتك بلســـــــم جروحي
يعبــــــــد الله ** الأمـــــــــر لله ** الغني الرحمن
*************
يـــــــــا سباح كلبي ويــــا نبض روحي
يشريــــــــــــــان الحياة وبلسم جروحي
يـــــــــــا عامود بيتي وشمعة صروحي
بمهدك جنت أشوفك يهده كــــــل نوحي
أعـــــــد أيــــام وأتنطر **** تنام الليل وأنه أسهر
حسبت أيــام ** الجفــن مينام ** يضل سهران
***********
عفت نومي يغالي وسهــــــــــرت ليلي
ولجل رباك يبنــــــــــــي كرست حيلي
تنام الليل يبني وكلبــــــــــــــي يوحيلي
أنـــــــــــاغيلك يعبــــــــد الله وتناغيلي
أهز بمهـــــــدك وأسهر **** كل ضني كلت تكبر
كعدت عندك ** أهـــز مهدك ** السهــر عنوان
*********
أفكــــــــــــر بيك يبني كلت أنه تكبر
كلت أنت التداوي جروحي مـن أكبر
مــــــــا أدري الزمن بيه الزمن يغدر
وضعنه يشيــــــل يبني يسكن المهجر
ضعنه يشيل للغربـــــــة **** ونتركها لأرض طيبه
مـــــو عالبال ** هـــــذا الحال ** بـــــلا أعوان
************
شلنه بليل يبنـــــــي وخابت ضنوني
أدري بكر بلــــــــــــه بيكم يفجعوني
ومنك يـــــــــــــا بعد كلبي يحرموني
ومنها للسبي يبنــــــــــــــــي يودوني
كلبي يذوب مــن عدها **** باجر لو وصلت إلها
منــي تروح ** يروح الروح ** بجبد ضمأن
************
دمك يجري بيها وأنــــه أحني ضلوع
وأضل أنـــــه بونيني والكلب مفجوع
العرش والنــاس والعيله تصب دموع
مــــن شافت مصابك والنحر مكطوع
مصابك مـــــــــا جره منه **** جسمــــك عالأرض عفنه
سهــــــم نحرك ** بجبد أمـــــك ** عـــــــلك نيران





الشاعر
خادم الحسين (ع)
قاسم حتروش البلداوي

[نبض الحيا]

جميله جدا ؟؟؟

[عبدالله خلف العتابي]

السلام عليكم
الشاعر قاسم حتروش
لاحرمنا الله من بوح قلمكم
وتميزكم جزاك الله خيرا
تلميذك المبتدا
عبدالله العتابي
اخي قاسم لاتستغرب من قلة الردود
والمعنى في قلب الشاعر

[قاسم حتروش]

جميله جدا ؟؟؟



نبض الحيا
مروركم أجمل
خادمكم

[قاسم حتروش]

السلام عليكم
الشاعر قاسم حتروش
لاحرمنا الله من بوح قلمكم
وتميزكم جزاك الله خيرا
تلميذك المبتدا
عبدالله العتابي
اخي قاسم لاتستغرب من قلة الردود
والمعنى في قلب الشاعر


العزيز
عبدالله العتابي
اشكر مرورك وتعليقك
ولايهمني قلة الردود همي الأول أن يستفاد الرواديد ومنشدين المنبر من هذه القصائد
وأشكرك لآهتمامك
تحياتي