قصيدة / عباس راعي المرجله

[الشاعر سعيد الفتلاوي]

قصيدة / عباس راعي المرجله
...........................
..................

عباس عباس عباس راعي المرجله

عباس عباس عباس هيبت كربله

............................

لحسين ضحه رْويحته – الام كلها قصّته

ما شاف راحه بْدنيته – مغدور بالطف نْوله

..............

زينب سبيّه تْحشّمه – وينك يراعي الغانمه

الخدري يخوبه تْحزّمه – غيرك فلا يتكفّله

..............

نفديه ضنوة حيدره – يا حيف مرمي عْله الثره

مظلوم سبع الگنطره – انذال ذبحو كل هله

..............

لليوم حزنان الدهر – عالليث من راسه نْطبر

والعين حرموها النظر – بسموم سهمه الحرمله

..............

هيهات ننسه المشرعه – الچفوف بيها مْگطعه

عباس بيها مصرعه – لعيون مدمومه اله

..............

للماي قصّه وْيالبطل – اعلام تذكرها وْمِلَل

والجود بالقصّه اكتمل – للكون جُوده يْمثله

..............

عباس عنوان الوفه – ما باع دينه وْخالفه

نحتار شخصه نْوصّفه – اوصاف نوره مْكمّله



..................................................
.......................................

خادم اهل البيت ( ع )
الشاعر
سعيد الفتلاوي الطويرجاوي