قصيدة(اخوها وشمّت ازنوده++++وهاي وتنظر الجوده)

[عبدالله خلف العتابي]

اخوها وشمت ازنوده+++وهاي وتنظر الجوده
عتب عدها+++وي كافلها
وهاي وتنظر الجوده
+++++++++++
هضم لاح الحزن ولاحت احزانه
ويم زينب اليوم وشايل امانه
شايل اجفوف الحيد وهم لفانه
وهاجت بالحزن زينب وي الامانه
تريد الجف هم تخبره+++لجن نيران مستعره
مصيبتها+++وهضيمتها
وهاي وتنظر الجوده
___________________
شافت جف وليها وشمت ادماه
ودموع الحزن نيران هاي ويلاه
خل يكعد يشوف زينب ابفركاه
حزينه ودمعها يسكي طفل ويلاه
وهم اعله الحرم اتخبره+++لجن نيران متوجره
راح منها+++كثر ونها
وهاي وتنظر الجوده
________________
ولون كتلي جفيلج كمر موجود
من يوصل يمّج وهوه راعي الزود
وتحزم بالوصيّه وعزّة المعبود
للحرب طبّ وجاب الشمر مكيود
وعبّاس الحرب سرّه+++ومنهو اليوصل البحره
نزف دمه+++حيل صعبه
وهاي وتنظر الجوده
__________________
تكلّه اكعد كمر وشوف الاحوال
خل جفّك يلوّح وتعود الامال
واريدك اتعود وتحضن الاطفال
مذعوره اطفالك وتدري هاي الحال
لون جفّك يرد يبره+++سواد ليلي يرد كمره
ودمع طاح+++ الكمر صاح
وهاي وتنظر الجوده
____________________
للمشرعه اتعنت والدمع فوار
لعبّاس وشمّت اليمّنه ويسار
وحاجت الجفين زينب وي الافكار
اريد اشم جفّك ويظلّ تذكار
عبّاس اسمع الحسره+++تلطم وتنظر الحرّه
ومتحسره+++ومنتظره
وهاي وتنظر الجوده
___________________
للشام راحت والدمع ماي يجري
وهم الكمر يدري فوك الرمل نجري
كمر بالمشرعه طايح وضاع عمري
عبّاس الخدر هذا والخدر خدري
ونار وتندب الحرّه+++حزينه وتهمل العبره
مرارتها+++ وهضيمتها
وهاي وتنظر الجوده
____________
بقلمي
خادم اهل البيت(ع)
عبدالله العتابي

[جعفر المندلاوي]

السلام على الكفيل المظلوم ..
بوركت على عطائك الرائع ..
أخي عبد الله ..
موفقين .. مع التحية ..

[عبدالله خلف العتابي]

السلام عليكم
الشاعر المبدع
جعفر المندلاوي
لاحرمنا من دوام حرفك المبدع ومرورك الاروع
واسال الله ان يرزقنا واياك شفاعة الحسين(ع)
وهي الجائزه الكبرى وافضل من الدنيا وما فيها
واسال الله التوفيق بالكتابه لخدمة الحسين(ع)
تلميذك المبتدا
عبدالله العتابي