جار السوء

[عباس طريم]

جار السوء
_______

عباس طريم
___

انطيني الصبر ربي وقوي ايماني
هسه اتوازه واسحك راس
جيراني
+
جاري ايحب يزيد ويكره ال البيت
ويكره من اجيبن علي
باذاني
+
ميزانه القتل والحرك والتفجير
وانه العدل والانصاف
ميزاني
+
جازيته ابحفظ داره وسهرت الليل
وبالاف المقابر كام
جازاني
+
ياجار الابد ما شفت راحة اوياه
لا اهواه واريد .. ولا هو
يهواني
+
مر امعاشرك حنظل يجار السوء
وفهمك ياعديم المعرفة
اعياني
+
انت اتهدم وعايش عله التفجير
وانه ابني اوتشوف الناس
بنياني
+
انه اول اذا ما ذكرو الطيبات
وانت شما اتسوي اتصيرلي
الثاني
+
اركانك احفظهه وما يمسهه السوء
وانت ابمعولك واتهدم
اركاني
+
انت اتراوي فضه ومن تبيع اشعير
وانه الواضح وكلبي ايترجمه
الساني
+
خلصت العمر وياك كالجزار
تذبحني .. وتكل للناس
ايراني
+
انه المجني عليه ابكل عصر مذبوح
وانت بكل عصر , متهم
والجاني
+
انه اتشرف امن اتباع اهل البيت
وانت امكطم وتتبع
السفياني
+
تركص عالطبل وانه ابلهيب النار
ما جنك اخي ومسلم
وجيراني
+
حفلاتك ولك نسمعهه نص الليل
واحنه امن الدماء انكابد
انعاني
+
ما دكيت بابك ونته شر الناس
شلون اطاك كلبك تدك
بيباني
+
وهابي ومن تدكهن شانك الشينات
والطيبات والبيهن فخر
شاني
+
انه اوياك ياجاري شبه اضداد
ويعرفون بينه القاصي
والداني
+
حته الله الخلقنه اوزع الادوار
اني الصرت طيب , وانته
شراني
+
ميدانك اميه الثبته اوعلاه
وعلي الكرار ثبت ركن
ميداني
+
رضعت اوي اللبن من امي حب الخير
وابوي اعله الكرم والطيب
رباني
+
يبو ثوب الكصير ولحيه جنهه اذراع
نيجري الكصه الخشم
سوداني
+
راسك راس هندي اوبرطمك للكاع
يتلولح اوكرشك كرش
طناني
+
واعيونك حمر جنهن عتاوي الليل
تنبح يانذل .. واتكول موش
اني
+
وصلو للكمر بالعلم والمريخ
وانته اتصيح فازت امس
بعراني
+
واتكول الغرب يتباهه بالميراج
اطيهم الحك .. ما شافو
احصاني
+
حاسدني اعله خيري وتدري رب الكون
مثل ما اكرمك وانطاك
انطاني
+
وحك دم الحسين وجف اخوه البيه
كالت فاطمه الزهراء
جازاني
+
لو وسط المشانق ما نعوف احسين
واطريم كبل ليموت
وصاني
+
كال ابكربلاء اتعلكت بحسين
وابدفتر احسين انكتب
عنواني
+
واذا ردتوني يم حيدر اشيل الراس
واتفاخر يولدي ويرتفع
شاني
+
لاخر نفس تتمسكون بهل البيت
البقاء الهم يولدي .. والزمن
فاني
+
وكتهه ارتاح اكول اولادي خوش اولاد
واخواني وثلث تنعام
اخواني
+
عباس طريم
+