بلهادي هنت للولي

[عدنان منعم]

بلهادي هنت للولي دنيانه*وكلب الموالي اليوم عاف اجزانه
ياقلم بالكون يكدر يوصــــفك
انته بس الله حتــــما يعـــرفك
قدرتك هيه الصــــميده قدرتك
والله ربحانه يطــــه الحــــبتك
عنوان دين الله ياعنوانه*وكلب الموالي اليوم عاف احزانه
نار كسره اليوم بقدومك طفــت
والسماحه هــيه وي نورك اجت
الصوارم يامـــــحمد هلهــــــــلت
الظلمه من نورك يغـــــالي نورت
ايوان كسره هل طفت نيرانه*وكلب الموالي اليوم عاف احزانه
جمره روحي وانته للضامي مطر
وكل مسيه انته يلهــــــــادي كمر
الكلب من حبك فلا لحـــظه ضمر
ماعوفك لو صبح ضــــــدي الدهر
يطه روحي الحظرتك ولهانه*وكلب الموالي اليوم عاف احزانه


النبي مايحـــــتاج ايضاح وشرح
طه حق وغير شخصه مايصــح
ماصخه الدنيه وصرت الــها ملح
كل جرح بسمك شفه وطاب الجرح الطير لجلك غرد اعلا اغصانه*وكلب الموالي اليوم عاف احزانه
كل نبي عنده معاجز كل نبـــي
وانته اعـــــــجازك العتره ياابي
ويكفي عندك معجزه حيدر علي
وبيرغك بالحومه مهدينه الوصي
بنيانه ثابت منهدم بنيانه*وكلب الموالي اليوم عاف احزانه
منهجك خطط مســـــارات الامم
وعالوجود المصطفى رافع عالم
انته كلشي وعميه عينـــه المافهم
اسمك اعلا الظــــــالم يودي حمم
اجنودك احنه بكل وكت تلكانه*وكلب الموالي اليوم عاف احزانه

خادم الحسين *عدنان منعم