رحم الله شهداء البصرة ..

[عباس طريم]

.رحم الله شهداء البصرة .. ولعن الله قاتليهم
عباس طريم
________

يزيد اليوم عاد ايصفي الحساب
ونصيبه الموت ,كلمن ما يطيعه
الشمر وياه ما غير ولا تاب
ما كفاه حسين ولا رضيعه
انعادت كربلاء النفس السباب
والاهداف , وبنفس الذريعه
كل واحد ايميل الحادي الباب
حامي ما اله بكل الشريعه
كبل بالسيف بس, تنكص الركاب
وهسه الموته اكثر من شنيعه
كبل يكدر ايوصي الجان منصاب
هسه اشلون والموته سريعه
هني للزار واتعفر بالتراب
اذا جان الحسين الحر شفيعه
عجيبة الناس تمشي اسراب واسراب
والجدامهم تمشي .. صريعه
وهله باللي يجي ويتلكه الرهاب
وبطيبة كلب عمره يبيعه
حديد .. اللي يظنهم من لحم ,خاب
فوارس من مضرهه ومن ربيعه
من بطن اصيل وعيب ينعاب
يضحون الاجل حيدر .. طبيعه
من البصرة العزيزة الغالية انجاب
وكل واحد رمه ابروحه ,وديعه
يم حيدر علي الشايب مع الشاب
جموع وغدت عالمنحر صريعه
هني للبايعو صاحب المحراب
وتقبل علي منهم البيعه
بجنات الخلد يالصرتو اصحاب
واحتليتو القاب الرفيعه
شياطين الانس للشيعة طلاب
وينتشرون بالارض الوسيعه
وي ابليس اقرب من النساب
علمهم عله الشر والخديعه
وكال الهم بما لذ وما طاب
من لحم وسمج والوز جميعه
هناك اوي النبي تلكونه بالباب
اذا رحتو .. وفجرتو الشيعه
اني ابليس ابوكم ماني جذاب
والسر الاعرفه ما اذيعه
ما ممكن اتصيرو للنبي احباب
ولا ممكن تكربون البقيعه
اله الشيعة ترجع مثل التراب
واتموتونهم موته مريعه
عباس طريم

[جعفر المندلاوي]

أحسنتم .. وطيب الله انفاسك..
ورحم الله شهداء البصرة والعراق والمذهب .
تحية لك .

[ابو ياسر الكعبي]

وفقكم الله وسدد خطاكم
وازادكم رفعة ورحم شهداء العراق جميعا

[سفينة البحار]

احسنتم كثيرا .....
ورحم الله ارواح شهداء البصرة
وشهداء العراق
وفقكم الله