بكرم لأم البنين الباري جازاها

[قاسم حتروش]

بكرم لأم البنين البــاري جـــــــازاها
لأن والت ألعتـــره وســرت مسراها
ضحت لجل الحسين *** أربع ولد طيبين
باب لحاجــــــة المحتـــاج خــــلاّها
***********
هـــــــاي أم البنين الطاهرة ألحره
لضحّت كـــل ولدها لنصرة ألعتره
رادت أبـــــو أليمّــــــه يسلم بعمره
ولــــــــو عدها ألف تفديها للزهره
فــــــــدوه تكول كلهم ذوله أولادي
بس يسلم الغالــــي ومهجة الهادي
فدوه أنروح لحسين *** أبن سيد الوصيين
باب لحاجــــــة المحتـــاج خــــلاّها
*********
يـــــوم اللي تعنـــت وي علي للدار
كالتله يحيـــــــدر أســــأل الأطهار
إذا خادمــــة عدهـــــم تقبل الأبرار
أدخل دارهــــــم وأتحمل شما صار
طلب ثاني أطلبه يــــــا ضوه عيني
بأســـــم فاطمـــــة حيدر لا تناديني
خوفي من القضية *** على أولاد ألزجيه
باب لحاجــــــة المحتـــاج خــــلاّها
***********
لمّــــن أبن حذلـــــم أجه وضل ينعه
عـــــــن حسين سألت حالته أوضعه
يكلها الكمــــــر غايب ونطفه شمعه
تكله أنشدك عـــــــن مهجة ألبضعه
يكلها بالطفـــــــوف ألجثه داسوها
وأختــــه اعله الهزل للشام ودوها
ومهمومة وحزينة *** ردت للمــــــدينة
باب لحاجــــــة المحتـــاج خــــلاّها
*********
على هاي المواقــف شوف شنطاها
بارينـه الكريــــم شلــــــون جازاها
بـــــاب ألرحمتـــه للنــــاس خـلاّها
ومـا خاب ألكصدها بحاجته أنخاها
مترده ألندبها ودمعــه فـــــوك الخد
ياخذ حاجتـــــــه ومسرور لهله يرد
ترده براحة البال *** وحزنه كله ينشال
باب لحاجــــــة المحتـــاج خــــلاّها
***********
اليــــوم لبابها كـــــل أحنه متعنين
وبشخــــص ألوفيــــه لله متوسلين
يكضي بجاها حاجــــة المحتاجين
وعلى دينــــه يثبت كــل الموالين
يربــــــي بجاها لأم البطل عباس
تهوّن عالموالي حبست الأنفاس
وتنجينه من الأهوال *** تراب الكبر لو هال
باب لحاجــــــة المحتـــاج خــــلاّها
**********
لـــو عندك علل وهموم وزن جبال
وإذا رايد حياتــــــك تنسعد بأطفال
أذرف دمـع عينك وأندب بهل حال
وكلهــا عليج جفين الكفــــل ألعيال
تزيـــــل همـــوم كلبك ينسعد حالك
وتوافيــــــك بوقـت ما يخطر أبالك
بس تندبها وتكول *** كل طلباتك تنول
باب لحاجــــــة المحتـــاج خــــلاّها
***********
الليلـــة بجـــاهــــــا مدينــــه أيـدينه
للبــــــــاري الكريــم وبابــــه دكينه
يعجّــــــــل بالفـــرج للحجـة مهدينه
يـنـجـيـنـه ويزيـــــل ألهـــــم ألعلينه
ينهي الظلـــم بيــده وينهــي ألوانه
ويمليهـــا بعـــدل لـلأرض بأحسانه
ويسر كلب الأطهار *** لمّــن ياخذ الثار
باب لحاجــــــة المحتـــاج خــــلاّها




الشاعر
خادم الحسين (ع)
قاسم حتروش البلداوي
أسألكم الدعاء

[فداء الزهراء ع]

بسم الله الرحمن الرحيم
اللهم صل على محمد وآل محمد الطيبين الطاهرين وعجل فرجهم

السلام عليكِ سيدتنا ومولاتنا يا ام البنين يا ام الوفاء يا باب الحوائج


نعزيكم بوفاة مولاتنا السيدة الجليلة أم البنين الطاهرة (رضوان الله تعالى عليها)
وعظم الله اجورنا واجوركم

وجزاكِ الله خيراً على هذه القصيدة القيمة بحق السيدة ام البنين الطاهرة
سلمت اناملك وطيب الله انفاسك أخي الشاعر

[قاسم حتروش]

بسم الله الرحمن الرحيم
اللهم صل على محمد وآل محمد الطيبين الطاهرين وعجل فرجهم

السلام عليكِ سيدتنا ومولاتنا يا ام البنين يا ام الوفاء يا باب الحوائج


نعزيكم بوفاة مولاتنا السيدة الجليلة أم البنين الطاهرة (رضوان الله تعالى عليها)
وعظم الله اجورنا واجوركم

وجزاكِ الله خيراً على هذه القصيدة القيمة بحق السيدة ام البنين الطاهرة
سلمت اناملك وطيب الله انفاسك أخي الشاعر




فداء الزهراء
شكرا لمروركم ودعائكم
جراكم الله خير الجزاء

[قاسم حتروش]

الصلاة والسلام على مولاتي أم البنين ورحمة الله وبركاته