ام البنين

[عدنان منعم]

شلون من رد الظعن ياام البنين – ردت الايتام من دون الحسين
رد ليج الظـــــــعن والونه عالونه
لاعبا س وي حــــــــسين احظننه
راح اندب زماني واكطع الظــــنه
رد يحسين واحســــــبها عليه منه
رجع لوعات والم يتبع انين – ردت الايتام من دون الحسين
كل ظني الظعن عباس يرجع بيك
ماظنيت تالي اعلا النهـــــــر تاليك
وي زينب صفيت بكل وكت انعيك
لون يحصل انه بدم ركبتــي اشريك
بكربله غافي ينور الفرقدين – ردت الايتام من دون الحسين
بقيت عالنــــــــهر لو باعث الرايه
تسولف عالطــفوف ودوسة الثايه
هوايه اخبار عنك وصــلت هوايه
لجن زينب روتلي كل الحـــــجايه
بس حزن ظليتي ها يام البنين – ردت الايتام من دون الحسين




من اشرب ماي اذكر طيحت ازنودك
وفيت وماخلفت ادريبك اوعـــــودك
مثل حيدر علي ذاك النــــــفل عودك
يظل رمز المراجل كل وكت جودك
وظلت القصه رمز طول السنين – ردت الايتام من دون الحسين
انه ام البنيــــــــــن وبس الم ظليت
من رد الظـــــــعن خالي بالم ونيت
يبو الاكبر تعال بكل وكت حنــــيت
افدي سنين عـــــمري نذر لو رديت
مابكه بالروح بس نوح وحنين – ردت الايتام من دون الحسين
اكطع ظنتي لو اكـــــــــــعد اترجاك
يبو سكينه اخذ عـــــــمري فده وياك
علا غيابك اظل طول العـــمر انعاك
شلون بكربله ظـــــــــعن النبي خلاك
وين انطي الوجه بعدك انه وين – ردت الايتام من دون الحسين

خادم الحسين عدنان منعم

[فداء الزهراء ع]

بسم الله الرحمن الرحيم
اللهم صل على محمد وآل محمد الطيبين الطاهرين وعجل فرجهم

نعزيكم بوفاة مولاتنا السيدة الجليلة أم البنين الطاهرة (رضوان الله تعالى عليها)
وعظم الله اجورنا واجوركم

وجزاكم الله خيراً على القصيدة الرائعة

[حفيد الكرار]

طيب الله انفاسكم