علي ياعلي

[عدنان منعم]

علي ياعلي .. علي ياعلي ..حيدر ياكرار
البيت فك بيبــــــــــانه لم المرتظى
ونور ابو الحسين عم اعلا الفضى
وجب حبه ابد مايرهم قضــــــــــى
غصبن اعلا الي رضى والمارضه
ولي ياولي ..علي ياعلي .. حيدر ياكرار
بت اسد بالكــــــــعبه جابت هالاسد
وبس لبو الحســـــنين بيت الله مهد
الله خصــــــــه الباري الواحد احد
هذا حيدر للنبي اقوى سنــــــــــــد
حبك منهلي..علي ياعلي .. حيدر ياكرار
الله خصـــــك ياعلي بهذا الكمال
انته اروع لوحه للحــــب والجمال
من الله الكـــــون الك هذا الدلال
وتبقى تاج اعلا المراجل والرجال
تبقى الاولي..علي ياعلي .. حيدر ياكرار
شرد اسولف بيك خجلانه الحروف
شمس انته وعميه عينه المايشوف
الدنيه عالكرار كل لحــــظه تطوف
وبطريقك نمشــــــــي ابدا مانعوف بالمحشر الي ..علي ياعلي .. حيدر ياكرار
طاري اسمك يبقى للــــــــــعله دوه
انته دنيه انته روحي والـــــــــهوه
بالظلام تصير مولانه ضــــــــــوه
ومولدك للظلم ياحيــــــــــــدر لوه
الهيبه معتلي..علي ياعلي .. حيدر ياكرار
نبض اسمك يبقى يااروع حبــــــيب
وبس علي الكرار لجروحي طبيب
غير حبك عالكلب يصــــبح غريب
انته للشيعه صرت اروع نصــيب
حبيبي الازلي..علي ياعلي .. حيدر ياكرار

خادم الحسين .. عدنان منعم