ذوب ياكلبي (من وزن الشموس)

[الكعبي ابو ياسر]

ذوب ياگلبي وتفطـَّر لاتضل محتار

صيح ياموسى ابن جعفر جَتْلَك الزوّار

***

ذوب ياگـلبي إبحنانك إبـچـي دمع البيك

صيح ياموسى ابن جعفر سيّدي لبيك

بدمّي وبروحي وكياني وبْمُهِجْتي أفديك

مسكنك قلعة غرامي والضلوع أسوار

***

يالهيامك في إمامك بالعشـگ موصوف

ترجم اعهود المحبه وبإمامك طوف

إتغذّت بشريان دمّك للعقيده سيوف

وفاضت إبْمنحر ولاءك للعقيده أسرار

***

صيح ياباب الحوائج جيت إلك مَشّاي

عِلِّتي يمَّك دواها وإنته كل رجواي

ياطبيب الشيعـه بس عندك يِصح إدواي

يالعَطيّاتك على الوادم تفيض أنهار

***

طِـلْبِـتي يمَّك يبوطِلْـبَه وإجيت أنخاك

يلّـي حـتّه إعداك شـاملها بكـرم يمناك

حاشه تطـردني وترجِّـع طِلْـبِتي حاشاك

وآنـه إلك مَـدّيت إديَّـه والدموع اعبار

***

جيت مـشّاي النُصرتك مـا أرد هيهـات

گـلبي مشغوف إبْمَحبتك يسبُـگ الخطوات

ويه كل خطـوه أنادي وتعتلـي الصيحات

إلك يـاموسـى إبنَ جعـفـرتهتف الـثوّار

***

صيح ياباب الحوائج جتلك الوفّاد

اتطوف شبّاچك ومن چـفّك تريد امراد

انته رجواها وسندها يا أسد بغداد

واگـفه اعيون إعله بابك والدموع إعبار

***

بالـگلب عشگـك تربّع يطوي بينه ادروب

وشوگـنه يحدي ابهوانه والتحثنه اگـلوب

إسمك ابجبهة شرفنه وعالعقل مكتوب

جينه إلك يابو الجواد وكلنه إلك أنصار

***

[الوهابي عدوي]

احسنت جزاك الله كل خير

[بلورة الذوق]

حماك الله أخي الفاضل
وسدد خطاك

[عبدالله خلف العتابي]

السلام عليكم
الاخ الغالي والكبير خلقا وشعرا ابو ياسر الكعبي
منور عمي وتاج للراس
واهدي اليك دارمي

هل ّ يوم الحسين وهلّت انواره
وابتسم كلّ الكون من شاف زواره
بقلمي
تحياتي لك اين تكون

[سفينة البحار]

كلمات جميلة واحساس ينطوي عليه الولاء
زادك الله رفعة بحق باب الحوائج موسى بن جعفر
وسدد قلمك ليزين الصفحات بقصائد الولاء لمحمد وآله الاطهار
لك مني كل التقدير والاحترام
دمت بالف الف خير