قصيددة (( عتب طفل)) لسان حال // مع عمَّه العباس عليه السلام

[خالد محمد مهدي]

لسان حال (( معاتب طفل)) مع عمَّه العباس
*************
طفل بعتابه ناده بدمعة شموع // يعمّي الماي وينه
مو وحدي أصيح بصرخة دموع // وبمعاتب سكينه
عمانه العطش ننخاك
ترد بيمينك ألواك
وتسكّت بجينه
************


ورود مناطره يابس غصنهه // ذبل منهه وركَهه
حتَّه الغِيَـــــم ماصبَّت مزنهه // آلامـــــــه شبكهه
عوف الماي رد ألهه وأمنهه// تخاف عليك حكهه
ترعبهه العده ومارعوا سنهه // بخيل الذل سحكهه

رد ياعمّي طفّي نار لخيام \\ صاحبنه البراي
ننادي وما ترد لصوات الايتام \\ عالغبره أثاري
وينك نندب حماك
ترد بيمينك ألواك
وتسكّت بجينه
************
وحوش البشر كلهه أرتوت بالماي // وحنه عيونه أتشوف
كـــــــل سهم الأجانه بقصد عنّاي // ياخـــــذ روح لطفوف
وحَــر العطش سيف أيكّطع حشاي// ندبنـــــه زود لجفوف
من اللهب هجَّت فاكّـــــده الراي // تمسح دمعت الخوف

تهج من خيمه ملتهبه عله الراس \\ خيمنه صارت رماد
أملنــــــه ينوح ماترجع يعباس \\ خذونـــــــــه عنَّك بعاد
بحيره عكب عيناك
ترد بيمينك ألواك
وتسكّت بجينه
************
من داروا علينه بنار الاحقاد // تمنّينه أحضرتنه
ياساقي العطاشه بحبل ننكّاد // يدرونك عفتنـــه
دمع ليل ونهار وسوط اوغاد // يعمَّي وسلّبتـــه
الضي والنور من بعدك مينراد // نعذرك موصلتنه

ماتوصلنــه لايمنــــه وليســار \\ لاجود ولرايـــــه
يعمّي شلون ما نقبل هل أعذار \\ النهر بجّيت مايه
تعذرك كل عطاشاك
ترد بيمينك ألواك
وتسكّت بجينه
************
بجه الهم كل همومه من ألمهه // ولاجف يمسح دموع
تعذَّب حالهه الحـــــــرَّه بلمهه // حكَهه الكَلب مفجوع
بكّلب ذايب حضنّاهه ونشمهه // وخذتنه بين لضلوع
مثل فرّاش صرنه ندور يمهه // ورود بغصن مكَطوع

حال أيتامنه للحـــــال سلَّه // وينك يلكفلهه
تسكّت هذا ولذاك شتكَلّه // من فكَدة أملهه
صعب الحال بجفاك
ترد بيمينك ألواك
وتسكّت بجينه
************
خذونه يساره ليل بليل منّام // والدمعات تجري
طحنه أبّين زمرة حقد ظلآّم // وبليـــــاك تدري
ياعم الصبر يبجي عالأيتام // تسمع نوح صبري
زاد الهم يوالي بجور ألأيام // وآنه أنتظر فجري

بخرابه والشمس تحركَهه لعيون \\ ياحادي الضعينه
جفوفك وين كــــل شدّاته تهون // نعذرك ماتجينـــه
أخذونه بلياك
ترد بيمينك ألواك
وتسكّت بجينه
************