مناجات صاحب العصر والزمان عليه السلام

[خالد محمد مهدي]

مناجات صاحب الزمان عجَّل الله فرجه الشريف

****************************

تراده الحـــــــال من بعدك تراده ** ونته من الرمش للعيــــن بعدأقرب

فجـــــرك ياوكت تظهر شموسه** علينه أتسلَّط الظالــــــــــم الاجرب

قرينـــه عنَّك اسمعناها لحجايات** ياجف المروَّه شـــــــــلون ماتنحب

ياعيد الاعيــــــــاد اليوم مولودك **وحنه بحب علـــي وحسين نتكرَّب

بعد منخاف ونته حاضر ويانــــه** آمرنه يوالـــــــــي نركب الاصعب

جا هوَّ العشك شيفيد لومه آسمك** حكي عله وســــــــادة نومي أتكلَّب

لامونــــي بمحبتك عاذل وشّمات** بين الخلك كلها وحّــــــــــدك تنحب

اكول الما أله بحبل المودَّه خيــر **أمَّه الحيَّه أصلها وأصل ابو عكرب

((كل أيامك ويانه)) للامام المهدي
عجَّل الله فرجه الشريف

*****************-----------------***************

الك بالكلب حسره ولوعه ماتبرد ** غايب وأنته كل أيامنه ويانـــــه

صوره بوسط عين الجفن غطّاها**تغفه تريد تبقه بيك حلمانــــــــــه

وعيون الشماتــــــــه دوم باطلها** يعلعلها الليل وتبقه سهرانـــــــه

ضمير الحق سجّانه عليــــه آمر**عقله شاهده والقاضي نسيانــــــــه

ضيّعها المودّه وضاعت دروبه **مثل عرعور گلب اسود عله لسانه

دوم الحق جلماتــــــه يغيروها**هذا الناصبي من يعرف أيمانـــــــــه

واحــد ويَّه واحد بالنتيجه ثنين **من بيت القصيد أنعرف تبيانـــــــــه

اليودكم طاهر النطفه وگلب أبيض** محبتكم بذاته وشهد وجدانــــــه

والمبغض شجرتـــه بالدرك لسفل** حقيقه واضحه شما غيرَّ ألوانــه