شوك عيوني للأمام المهدي عجَّل الله فرجه الشريف

[خالد محمد مهدي]

((شوك عيوني))
**-----------------**
ألم الشوك بعيوني // مالوم اليلوموني
لأن محبوبي غير الناس
ويّاه أحس غير أحساس// مالوم اليلوموني
***--------------****
اصعب يــــوم أيامي
ماتحقق أحــــــــلامي
أشوف دموعي كدّامي
وگل لعيونــــي لتنامي
باجر توضح الصوره // علينه من يشع نوره
ضلوعــــــي اله حرّاس
ويّاه أحس غير أحساس
*****************
صوته كل لغه تعرفــــه
نشوف بكل وجه وصفه
خير يفيض من ݘفّــــــه
تظــــــــل عداه بالوسفه
تطيعه الآيه لو آمر // ينابيع الامل فجَّر
تتزاحــــــــم عليه الناس
ويّاه أحس غير أحساس
*******************
محمد أوّل وآخــــــــــر
يكطع دابـــــــــر الكافر
ألنه يرد لمســــــــــــافر
طيبه يجبر الخاطـــــــر
أيد الله على يمناه // أمان ورحمه كلها وياه
لاوســـــــواس لاخنّاس
ويّاه أحس غير أحساس
*****************
نتبارك بآياتــــــــــــــه
ورد فوّاح كلماتــــــــه
تعم الدنيه فرحاتـــــــه
بغيض تموت شـــمّاته
بطيب الكلب اسراره // مودّته تلم خطاره
فضله شمخ فوك الراس
ويّاه أحس غير أحساس
******************
نتبادل تهانينـــــــــــــــه
متانيته أمانينــــــــــــــه
للموالي يكر عينـــــــــه
عله الشاطـــــي يرسّينه
سفينة جدَّه معبرنه // الصعدها يوص الجنَّه
نفرش دربه ورد وياس
ويّاه أحس غير أحساس
***** ************
الكوفــــه قلعته وسوره
بهاءه توهّــــــج ونوره
العتره اليوم مســروره
رايـــــة ثاره منصوره
بفرح كل محب بيها // بأشواقه يلآكيهــــــــــا
يرد برايـــــــــة العباس
ويّاه أحس غير احساس
******