قصيدة من ينساهه لعيونه بحق الامام الحسين عليه السلام

[خالد محمد مهدي]

((من ينساهه لعيونه))

**************

يبغضونه // يرفضونه

من ينساهه لعيونه

ومن ينسه نبض كَلبه

ميعرفونه لنحبـــــــه

الحاقد خابت ظنونه

************

الجذر بحروف اسمه أتروَّه مو من ماي

وأوراكَـــه غذاهــــه من هليـــــل بجاي

الحاقـــــــــــــد مايفيد وياه حُسن الراي

أخذ منّي بمحبته يسرتـــــــــي ويمناي

يمنعونه // ويصّدونه

من ينساهه لعيونه

************

الف من السنين أتمر على روحه

ولاداوه دمعنــــه جرح بجروحه

يهدمون الاماني وعاليه صروحه

وترد البسمه لسمه بروح مذبوحه

يعادونه // يلاوونه

من ينساهه لعيونه

************

فجر أيامه من ساق العرش تظهر

جلال الله خلَّه الكون بي أزهـــر

بعده بالمهد للموعد أتحضَّــــــــر

يضَّحي بكربلـــــه والحرَّه تتيسَّر

خذه ضعونه // الفجر لونه

من ينساهه لعيونه

*************

ياليــــل الليالـــي الما أله نهايه

بدم حسيي جا صارتلك بدايــه

بنص ليلك رفعهه عاليه الرايه

فخرصارألنه والعنوان والغايه

شينسّونه // شيذكرونه

من ينساهه لعيونه

*************

أنه ماعوف من أحياني من دماه

وجودي بغير أنفاسه عدم لولاه

بيادنيـــــه نعيش بكَلب مايهواه

خدم الله خلق أرواحنــــــه ويَّاه

تفجرونه // تذبحونه

من ينساهه لعيونه

************

روافض مانطيع الباطــل وأهلهه

وانته عليك طاعت حاكمك سهله

صــلاة الصبح مايعرفهه لاالقبله

للمجنون أسألـــــه يكَول موعدله

تنكرونه // تصدّونه

من ينساهه لعيونه

*************