دخيلك ياعلي

[خالد محمد مهدي]

(( دخيلك ياعلي ))
***********
دخيلك ياعلي غيمه بسواد الليل
مثل رد الشمس عن هل الوطن ردهه
دخيلك ياعلي من رمح وحشي اليوم
جبده الحمزه صابه وهند يسعدهه
دخيلك ياعلي ألتمت علينه أحزاب
كَص راسه العمر وأحزابه شتتهه
دخيلك ياعلي من شيلت القرآن
يرد صفَّين جفَّك عنَّه يبعدهه
دخيلك ياعلي من ناس ماترحم
من بدر وأحد أبليس جنّدهه
دخيلك ياعلي من حفصه من عيشه
معركة الجمل داعش تجسّدهه
دخيلك ياعلي من مرحب وجيشه
صفَّي كَلوبنه وبوجهه وحّدهه
دخيلك ياعلي يمهوِّن الشدّات
أبن ملجم كَصدنه بنار خمّدهه
دخيلك ياعلي للرايه يردوهه
ونار الجور تحرك بينه برّدهه
دخيلك ياعلي بردا سلآم وياك
وأذا يرمي الموالي الرميه سددهه
دخيلك ياعلي أحضر ميادينه
هذا أبن العراق سيوفه جرّدهه
دخيلك ياعلي وفقّارك ويانه
وهيهات الحسين الكل نرددهه
دخيلك ياعلي والكَاصدك ماخاب
الشيعه للمعاضل غيرك أشعدهه
دخيلك ياعلي لنطيح بالغربال
سفينة ابو اليمه شلون نصعدهه
دخيلك ياعلي مروتك على بختك
يقينا بأعتقاد الباب متسدهه
دخيلك ياعلي بكل خطوه ويّانه
يا للثار كلمه الحر يرددهه
دخيلك ياعلي وعله العهد باقين
يوميه وثيقة دم نجددهه
دخيلك ياعلي أبهل الزفَّه أحضرنه
مواكب للشهاده وأنته شاهدهه

[اهات الروح]

الهي بحق عليا افرج عنا

سلمت الانامل كلمات جميله جدا

بانتظار القادم ان شاء الله

تحياتي لكم

اهات الروح

[خالد محمد مهدي]

دخيلك يابو الحسن
شكرا لفيضكم الكريم