يــاحــبــيــبــي آنــي مِـن أهـل الــعـراق

[الحاج انور الكاظمي]

بسم الله الرحمن الرحيم

اللهمّ صلّي على محمدٍ وآلِ محمد وعجل فرجهم

اللهمّ ادخل السرور على قلب مولاي الحجة ابن الحسن وعجل فرجهُ الشريف

ياحبيبي

ياحبـيـبي آني مِن أهل العراق * مِن بـلاد الـطـيـبـه وحـزان الــفـراق

الفراق الطـوَّل إب ليله الطويل * والنـهـار أوكـاتـه صُـبـْحَـت لاتـُطـاق

ياعزيز ارجو خلِع ثوب الغياب * ورْتدي إقميص اليردْ شوفُ إوعِناق

احْنه ناس إتذبِّحَت ونطت كثير * بالـنـفـيـس اوغـالي لي آلِ الـــبُـراق

الــبُـراق اللي دِنه بيه الرسول * قـابـه قـوســيـني و أدنى بـشــتـيـاق

وللي جبريل الرجع حاير ونـار * كـدْ أَنـُـمْــله لو گـُرَب شـَبْ إحـتـراق

ياحـبـيـبي آني مِن أهل العراق * مِن بــلاد الــونــّــه ودمـوع الـفـراق

الفراق إلْ خلّه هِجوال النفوس * بـالـقـهـر تـذرف دمع دمـهـــا يُـراق

راقت إبْـحُـبّك وحب جدّك وفاء * بالضمايـر احـسـين يسْـكنهـا إتـفـاق

ياإمامي الفرگه صعبه اودِيريت * بالكـفـر إش سَوَّه بـلهـيـب الـنـفـاق

طـَشـَّر ال وادِم وبَـعَّـد بـالزواج * والـمَهَـر دمْعـتـهــا والـونـَّـه الطلاق

والأخوَّه خـُربت إبْ غُربة ديار * والفـِتـَن يـسْعَـر لـهـبـهـا بـيـنـه حاق

ياحـبـيـبي آني مِن أهل العراق * مِن بـلاد ال تِـنـْـتِـظِـر تنهي الـفـراق

يا أبو صالح لِعَـب بينه الزمان * إرحَـم إبْ حَـال الــيـحـبــونـك وثـاق

واثقه إبحب إنحِفروسط الگلوب * الـعُـمُـر لحـسـيـنُ او دونـه مايُطاق

يا إمامي نـورَ عـيـنـي والدموع * تهمي بغـيـابَـك حِـزن ونـهـا سِـيـاق

جيِّتك شمس إبسِمَه وسط النهار * والـرشـيـده طلعـتِـك تـنهـي الفراق

تِـسْـعـد إگلوب اليـتـامى وانبياء * تِـفـرَح إن رَدَّت لطيـبـه أهْـلِ العراق

ياحـبـيـبي آني مِن أهل العراق * مِن بـلاد الـطـيــبـه وحـزان الـفـراق

الحاج أنور الكاظمي