الارهاب لادين له

[خالد محمد مهدي]

(( الارهاب لادين له))
************************
خلّينه خلّينه **يرهابي خلّينه
نتذَّبح نتفجَّــــــــــــر
عهد العدنه أمن الذر
حسين يظل والينه
خلّينه خلّينه
***************
اشعندك أويّانه ياملعون وشتريد
شيعة حسين وياها كلشي ميفيد
ماتگدر أتلاويه للعزمه حديــــد
خايب ترد وتصفگ أيد اعله الأيد
امتانينه أمتانينه **بالحشر أمتانينه
ويم حيدر المعبــــر
عهد العدنه من الذر
حسين يظل والينه
*************
عندك عذر يلّي تعادي اهل البيت
يادّر رضعته أبياض احضان أتربيت
هذا رسول الله وعترتــــه الآذيت
عندك عقـــل وعيون ݘا ليش أعميت
تعادينه تعادينه **بحقدك تعادينه
تخســــــر وماتگدر
عهد العدنه من الذر
حسين يظل والينه
**************
عاين الدربك وفتهم هل المعنــــــه
والله برحمته محبتّه اودعنــــه
لوما ابو السجاد كلنه ضعنــــــــــه
وصوت الآذان الكبّر ماسمعنه
رد بينه رد بينه **للعهد رد بينه
ياهو محبته انكــــر
عهد العدنه من الذر
حسين يظل والينه
***********
للي تتبعه لازم تعرفه زيـــــــن
تمشي بطريقه وتعرفه أيوصلك وين
ماظن بخت عندك تتبعه لحسين
عوف الافكار الشوّهت وجه الديــن
تاذينه تاذينه ** كل فكرك تاذينه
بحقدك ماتتغيّــــــــر
عهد العدنه من الذر
حسين يظل والينه
*******************
بيوم القيامه ننجمع آنه وياك
آنه اليحاميني علي ومن حاماك
آنه أيتلگاني النبي أومن لاگاك
دوّر عله الخاويت نهجه أوخاواك
تالينه تالينه ** من يربح تالينه
وين أتفر بالمحشـــر
عهد العدنه من الذر *
حسين يظل والينه
******************