ليل ودمعات

[خالد محمد مهدي]

((ليل ودمعات))
**************
ليل ودمعات // أنودع الغيّاب
بجرح وآهات // شعظمه لمصاب
هموم ولوعات // عايف لحباب
يابويه يابويه
يابويه يابويه
*************
تفاركّنه وألم يجرح كّلب ملجوم
خلت دارك يوالي وخيّمت لهموم
يادمعه التواسي فراكك بهل اليوم
مصيبه علينه عمَّت بالحزن للدوم
أطفي الشمعات // بليالي الهم
بزفرة ونَّات // ودموعي دم
سكون وظلمات // تنصب مأتم
يابويه يابويه
يابويه يابويه
*************
عله فراش المنيَّه اليالمك مطروح
عليك ألتم دمعنه والونين ونوح
مكانك خالي يافرحه بقت للروح
الكل واحد مراره بغيبتك مذبوح
زادت لجمات // لاطب ألهه
ضاعت بسمات // دمعه أنهلهه
فرحة شمَّات // روحي أتسلهه
يابويه يابويه
يابويه يابويه
*************
رجايه يالوصي بدناي جان انته
ليش وياك آخر نفس ماخذته
ياسيف المرادي كَلبي مذبحته
ولاعمري بغيابه للهظم عفته
عمرك رحلآت// مابيهه رجوع
بآخر سفرات// محطّات دموع
الدين وآيات // والود مكّطوع
يابويه يابويه
يابويه يابويه
*************
تحمّلت المرار سنين عانيته
للمصايب عفتني وصبري خاويته
طويت جروح رورحي بزمن راضَيتَه
ودّعتك وحالي بحيره خلّيته
لوعه وصدمات// ترافكنه سنين
نصحه ونبات // للهم تانين
تنوح النجمات // والدمع ونين
يابويه يابويه
يابويه يابويه
*************
هم بعد أستعد وصبر عله أيامي
جبد مسموم أشوفه بطشته كَدّامي
وودع حسين بعده أعله الثره ظامي
وأخيط جروح كَلبي بجرحه وآلامي
تضيع الحرمات // بفكَد الوليان
تلهب خيمات // تهرع نسوان
بخرابه نبات // بعد الحرمان
يابويه يابويه
يابويه يابويه
*************
كفيلي ألأمنتني بجفَّه وفّاني
كَصد بالجود والبسمات ماجاني
أنه بعازة جفوفه الظيم خلآني
وبمجلس يزيد نخيت خوّاني
تعالت صيحات // هدت ساسه
ودوَّت هيهات // ذلَّت راسه
بسيف الكلمات // مات أحساسه
يابويه يابويه
يابويه يابويه
***************