مرقدك وسط الكلوب

[عدنان منعم]

مرقدك وسط الكلوب .. بيك كل لحظه نذوب
يالحسن ..يالحسن ..ياامامي

مرقدك وسط الضمائر والعــقول
يامنار الكون يانبع الاصــــــــول
انته روح المرتضى عنك شكول
من اخط اسمك ملك قلمي الذهول
عن محبتك مانتوب ..بيك كل لحظه نذوب

مولدك نور وعلا الدنيه يشــــــع
وبمحبتك ذبنه احنه وي الشـــــمع
حلمي ازورك والله دلالي انشلع
ادري مولد لاجن يسيل الدمـــع
تنجلي بيك الكروب ..بيك كل لحظه نذوب

مولد بشهر العباده والصـــــــــيام
بنص دليلي انطبع رسمــك ياامام
يالحسن اسمك عله فوك الغمـــام
طاهر المولد يبن نســــــل الكرام
انته يانور الدروب ..بيك كل لحظه نذوب




ياكرامه وعزه يبن المرتضــــى
وجب حبك ابد مايرهم قضـــــى
مولدك نور وعلا فوك الفضــــى
والي رغم الي رضه والمارضه
انته يانبض الكلوب ..بيك كل لحظه نذوب

اسمك ورسمك سكن وسط العيون
وبمحبتك نوصل لحد الجنــــــــون
يلي حبك بالدمه لامايــــــــــــــهون
نراوي من ضدك يمولانه الفنـــــون
باسمك تذل الخطوب ..بيك كل لحظه نذوب

يانبض روح الزجيه والاميــــــــر
الحسن مولاي ينبض الضــــــــمير
بيكم وللموت معكود المصـــــــــير
واليحبك بالحـــــــــــشر حتما يحير
ساكن بنص الكلوب ..بيك كل لحظه نذوب


خادم الحسين ..عدنان منعم