مواليد العتره والامام الحسن عليه السلام

[خالد محمد مهدي]

مولود لاعيادالعترة الطاهره(الكون عيّد)
***********************************
الكون يوم العيد الهم عيّد** حبه أو ولائه للأأمه جدد
والتمت الافـــــراح
وعطر الورد فوّاح
-------------------------------------
اول تهاني للنبي انزف اليوم* * والفاطمه الزهره ابضلعها المالــــوم
****وللوصي حيدر روحي امامي المعصوم*****
الدنيه ويّانــــه
الايام فرحانه*
----------------------------------
باقة ورد وتفوح منهه الاطياب ** من شيعة الكرار لغله الاحبــــــاب
**** مارجع سائل خايب الدڴ البــــــــاب *****
كل محب افراحـــه
من مسا المصباحه**
--------------------------------
تزهي الوان الطيف بعيون الناس**وشوك وموده مأطر بورد وياس
**** باجمل مشاعر وفه وارهف احساس****
الزينه والرايـات
أوأجمل الكلمات**
------------------------------------
14 معصوم اصل النعمــــــــــه ** بوجودهم تنجلي اصعب غمــه
*****كلهم محمد نبع روحه ودمَه*****
نرجه شفاعتهم
ودنه محبتهـــم**
-----------------------------------
هذاالموالي من يضمد جرحــــه** اتريد الاعادي اتبوك منّه الفرحـه
***** كل نور منهم يظل شامخ صرحه****
وعدانه ماتربح
الصبح لوصبّح**
---------------------------------
مولولد(محبت العترهالطاهره)
---------------------
محبتكم ذخر لّلييحبكم ** أمان الله عليه الوصل ودكم
من شافع الشافع – رحمه وباب واسع
*******************************
لبّينه العد من عالم الذر
الفه مرّه احترك ونعاد ونذر
عله السان الرسول ابشاره ونذر
كتاب الله وعترتي*محبتهم رحمتي
امّه الهاويه كلمن يضدكم
******************************
حب الناس اليكم صارشكلين
واحد فاز بيكم ثاني شكلين
بني اّدم شفيده وجهه شكلين
الواحد كيفه يختار*درب الجنه لونار
ملعون التعدّه عله حدكم
*****************************
شوكه بعين اعداكم بسلها
تعاني گلوبهم لوعه بسلها
وهم اغواهم ابليس وبسلها
من يتبع غروره*يظل اسودالصوره
لأن بأيمانه شك ألماعرفكم
****************************
موالين السفينتكم بحرنه
أشوكت ترسي على شاطي بحرنه
وصف اطباعكم والود بحرنه
حبكم بحر وافر*يجبر الخواطر
روح وگلب طوّگهن فضلكم
**************************
الشيعه الخبر من طه وردهه
اليوالي العتره للجنه وردهه
وبجنة علي الكوثر وردهه
نور ويشع من نور*محبَه فرح وسورهنياله التبع بالّود دربكم
*************************************
مولود للأمام الحسن عليه السلام (( فرحه نعيشها))
******************
اليوم فرحه نعيشها الوالينه
اليوم أحله الايام أتمر بينه
طشينه جكليت ** وتنور البيت
************
اليوم ميلاد الحسن بحر النعم // نـور أنولد
حفظ دين الله بعهده والقيّـــــم // وفّه العهد
عنّه مانتخله بمحبته نلتــــــــم
اغله الغالي اندقمله ولا مانهتم
ماجينه ماجينه ** حلون ليالينه
عامر مضيفه ومزهره بساتينـه
*****************
بحور سبعه من الكرم ماتندرك// ماجاوزت چفّه
موجر ودلّه بمضايف العشك // نيرانه ماتطفـــه
بيـوم الولادة نــوّرت دنيـانـــــــــه
طيب الخلق صار الحسن عنوانــه
ألايام محلاها ** بميلاده نتباها
صوت الفنجان وگهوه بدواوينـه
**************
ألف رحمه عله بطن النگلته // يومه فخر ألنه
فرع من شجرة الزهره بوردته// ياريحة الجنّه
لمنه أبحنانه وطيبته واخلاقه
لاخر نفس نبقه ونظل عشاقه
ويانه ويانه ** يامحب ويانه
عد سيد الجنه الفرج تانينه
************************************************** ****************
(( بحر الكرم ))
انت بحر الكرم انت فيض النعم
يالحسن يالهيبه ياكلبك وطيبـــه
************
حفظ عهدك دمانـــه ورفعت الراس
بميلادك صواني شموع ورد وياس
حلو يومك جمــاله
عاله الموجر دلاله
طبع الوفه طبعــــــك
شيعه أحنه ونحبـــك
يالحسن يالهيبه ياكلبك وطيبه
**********
حناجرنـــــــــه تغرّد لسمك اليوم
محبتـــــــــك والموده بالكلب دوم
بيك العيــــن تفرح
بيك الخيــــــرصبّح
طيور الجنه طارت
بوسط الحفل دارت
يالحسن يالهيبه ياكلبك وطيبه
*********
طالب حاجتـــــــــه أبابك عقدها
يدري بعطفك وحلمك تردهـــــا
يكلب أبين لضلوع
جف يمسحها لدموع
للحاجات أهلهـــــا
جودك مايملهــــــــا
يالحسن يالهيبه ياكلبك وطيبه
*********
صواني شموع زينه والهلاهل
تحله أيامنه ويحله التواصــــل
فرحه ولمّه شيعيه
والآلآم منسيــه
سراج النور وهّج
ألسن بيك تلهج
يالحسن يالهيبه ياكلبك وطيبه
*********
نشكيلك زمنّه بغيبة الصاحب
بصبرنه ننتظر نعدي ونراقب
بشوك وحب صبرنه
أأمتنه نطرنـــه
من يكرب وعدهم
نعيش بمودتهم
يالحسن يالهيبه ياكلبك وطيبه
**************