يبو الحسنين محرابك

[خالد محمد مهدي]

((يبو الحسنين محرابك ))
***------------------------------***
يبو الحسنين محرابك
بݘه من دم عله أمصابك
علينه مُر صفه غيابك
علينه مُر صفه غيابك
----------------------
صرخ جبريل بسمانه الدين أنهدَّت أركانه
العدل مايصفه ميزانه المؤمن غاب عنوانه
مساكين أو يتامه أتنوح
عله الدين الصفه مذبوح ** گعدت تبݘي بعتابك
---------------------
ظِل ݘفَّك جفانـــه اليوم وتحرَّم علينــــــه النوم
من ظل ينصر المظلوم عليه أحزانه راح أدّوم
ننخاك ونريد جواب
ياحيدر يداحي الباب** ماخاب الگصد بابك
----------------------
ظلام الليل من خيَّم سهرانه اليتامه أبغم
أبد لجروح ما تلتم حتّه العين تنزف دم
عسل بيدك توَّكلها
عگب عينك منو ألها **بحنان أو طيب آدابك
--------------------
ݘذّاب أومنافق گــــــال رسول الله وصف هل الحال
اليبغضك والعليك العال حظَّه أوبَختَه عنّـــــــــه مال
اليحبَّك نطفته حُرَّه
عدوّك حاير أبأمره **أبد ماياخذ كتابك
---------------------------
ألم نبقه نعيشــه سنين وحنه اعله العهد باقين
يوم الرجعه يوم الديَن نوفيلك نوَّفــــي حسين
شفيع الشيعتك حيدر
أمانك ساعة المحشر **وطيب الجنّه بعتابك