غريبه تروح

[خالد محمد مهدي]

((3))
((صوت الحقيقه))
عالدهر عاين وصد بظهري نِبَت مَنجِله
والحيل منّي كِسر ضعن الصبر منجله
وخدري بگه بلا خدر بعد الوفي منجله
ردَّوا عليَّــــــــه بعد مالي الحقد سلّهُم
منظر الدم والخيـــــم لهل البغض سلَّهم
وصوت الحقيقه يظل بسهم المرض سلّهم
عيد النواصب صفه ضعن الحرم منجله
*****************
((مرضاه))
ســل جبدي الحزن والكلب مرضاه
يفاركنـــــــــي العمر ماريد مرضاه
شياخذ بعد دهري ويرضي مرضاه
خلآهم جثث فوك الوطيه
*********
((غريبه تروح ))
*********

غريبه تروح // كَلب مجروح // سبيَّه أطب لراضي الشام
بظيـــم وهم // وألــــم ملتــم // وحيره بالحـرم وأيتــــــــام
صبرهه ماتحمله جبال
عفاهه زينب بهمل الحال
************
شعلة نار ملتهبه بحزنهه
كلشي ضاع منهه وضاع أمنهه
النوح ألهه يواسي دموع ونهه
اليعاين حالهه شيكول عنهه
صبر يمشي // على كلشي // شايل حيله ومنظام
وداعه احباب // صفوا غيّاب // ودمعهه أيعاين النيَّام
عجيبه ماشدهه البال
عفاهه زينب بهل الحال
**************
كل جرح بجسد لحسين بيهه
شلون العين تغمض عن وليهه
لاواحد بقه الينغر عليهه
مطاعين الاحبَّه من يجيهه
عله التنزيل // دموع تسيل // أنذبح قربان للأسلام
وحيده أتظل // بعد ياحل // ومن كل جانب الاجرام
ظلَّت فاكده الآمال
عفاهه زينب بهمل الحال
************
مثل هاجر عله الايتام تنغر
مابين الصفا والمروه تفتر
تشوف أحوالهم صعبة المنظر
عليهم الرعب بأهواله أثَّـــــــر
تلم بيهم // تراعيهم // المثله من يظن تنلآم
أبّواجيهم // تواسيهم // شيحمل جورهه الايام
صبرهه أستعد للترحال
عفاهه زينب بهمل الحال
************
مشت بين الجثث تعثر بدمعه
صوت حسين غاب وماتسمعه
عالتل وكّفت ورادت تودعه
بعد مالي عكَب عيناك رجعه
بله الجفّين // أروحن وين // كَلبي الشوفته معتام
بلا رايه // بلا حمايه // أرد متحمله الآلآم
أنكَطع مابينّه لوصال
عفاهه زينب بهمل الحال
************
على قدرت صبرهه القدره فاقت
عين مساهره لاعين نامت
لخوهه وثورته ودين الله حامت
ذلَّت طاغي آل أميَّه وجوره لامت
دم حسين // حيا للدين // وعلت رايته عالظلآّم
كيدك كيد // وشمتريد // ماتمحي الذكر أوهام
يبقه نور للأجيال
عفاهه زينب بهمل الحال
************